ORANJESTAD – Recientemente, Aruba Tourism Authority a certifica 61 studiante di EPI como experto di Aruba esta ACE. Esaki tabata un grupo di studiantenan di e prome anja di “Further Studies” na EPI Hospitalidad y Turismo. Cual nan ta consistiendo di 3 klas, entre otro, FS3-1 A, B and D. E materia jama FOHEX, cual ta nifica “Front of the House Exposure” i ta wordo duna door di e instructornan Sra. Vanessa Loefstop y Sr. Oslin Briesen, unda e studiante nan den nan prome anja tin e oportunidad di explora e mundo di e industria di hospitalidad y turismo.
E “ACE certification seminar” ta encera tur informacion concreto di loke ta producto turistico di Aruba como tambe un splicacion kico ta y e tareanan di ATA. E training aki inicialmente tabata wordo duna na agentenan di viahe den e mercadonan cu ATA ta activo, pa asina nan lo por bende Aruba mas mihor, pero pa mehora e calidad di servicio y duna información, ATA a introduci e seminario aki pa henter e comunidad Arubano. Pa e ocacion aki e presentación a ser duna pa repesentantenan di ATA, esta Sra. Mandy Lopez y Sr. Castro Perez.

Proposito principal Aruba Certified Expert (ACE):

Aruba Certified Expert (ACE) ta un programa specialisa di Aruba (destination specialist program) cu a ser introduci y implementa pa Aruba na Merca na 2001. E programa aki ta designa pa train e agentenan di viahe y hasi nan experto den e destinacion. Alaves, e programa aki ta un herramienta di benta valioso pa incrementa benta y producción.

Den transcurso di tempo, ACE a ser introduci den e otro mercadonan manera Canada, Hulanda, Bélgica, Colombia, Venezuela y Brazil y meta principal ta pa educa y envolucra e comunidad encuanto di e industria turistico riba e trabounan di ATA y e producto turistico y con importante nan contribución ta den e éxito di esaki. Como lider di e industria turistico di Aruba, Aruba Tourism Authority kier ta un ehempel y asina contribui na e educación di nos comunidad.