ORANJESTAD-Diasabra 5 di Novvember 2010 Aruba henter por a mira un total di 4 barco crucero den nos waf, algo cu sin duda algun a trece un sentimento di felicidad y speranza pa henter nos isla, pero specialmente pa esnan cu ta traha directa of indirectamente cu sector turistico.
For di oranan trempan caba por a mira e cantidad di movecion cu tabatin den e area di waf y despues na diferente parti di nos isla.
Minister Otmar Oduber ta sinti su mes hopi satisfecho cu e desaroyo positivo aki caminda cu economia di nos isla a haya un boost un biaha mas. Mas ainda mirando e reaccionnan positivo di tur hende pa cu e regreso di Carnival. Tur esnan cu ta traha den e sector aki a indica cu esaki sigur tabata algo hopi positrivo cu Minister Oduber a logra ya cu e turistanan cu ta baha for di e crucero aki ta turistanan cu ta gasta hopi placa na nos isla.
Operadornan di bus, guianan turistico, comercio, kioskeronan, taxistanan, etc, tur tabata sumamente contento cue bida cu nos isla a bolbe haya cu tur e cruceronan aki aden, pero specialmente cu Carnival.
No por keda sin menciona con e operadornan di bus y e kioskeronan a comenta positivamente riba e cambionan treci dor di Minister Otmar Oduber, nan ta hopi conteto cu esakinan caminda cu tur hende ta hayando e mesun chens den un ambiente hopi mas trankilo y positivo, cual ta contribui grandemente na mehora e imagen cu e turistanan crucero ta haya di nos isla.
Esaki por a wordo comproba tambe cu e reaccionnan di nos bishitantenan, nan tur a keda encanta cu nos hendenan, cu e buniteza di nos isla y a mustra nan deseo pa regresa nos isla, pero e biaha aki pa keda mas dia.