Oranjestad,– Recientemente tawata di bishita na Aruba, henter e crew di e prestigioso revista Ingles, “Cosmopolitan Bride”. Nan a escohe Aruba como e center stage pa nan photoshoot cu un variedad grandi di bisti nan di bruid pa e Winter Collection 2010 & Zomer Spring Collection 2011.
E programa a wordo coordina door di Sra. Amayra Boekhoudt y Sra. Nathalie Maduro di Aruba Tourism Authority y kende nan a dirigi henter e scouting y tambe e ehecutacion di e programa. Sally Dixon, kende ta e Fashion Director pa e revista y encarga cu henter e producion a hasi un recorido completo rond di nos isla pa asina escohe e diferente lugar nan pa e photoshoot y nan a opta pa lugar nan mas rustico cu ta duna un bunita setting pa e potret nan combina cu e diferente bisti nan di bruid y accesorio cu nan a huza.
Nan a escoje sitionan manera, e ruinan di Balashi cu a resulta de potretnan sumamente impresionante, e ruinan di Bushiribana, Capilla di Alto Vista, diferente kas nan antiguo na Savaneta y San Nicolaas sin laga afo e bunita Ayo Rock formation. Tambe nan a disfruta di Aruba su delicianan culinario na varios restaurant nan manera Pincho’s, Papiamento restaurant cu a impresiona nan cu su interior unico y romantico, Gari & Wasabi na unda cu nan a purba un variedad si Sushi unico y diferente, Jads su tremendo Grill y tambe na Amazing cu a brinda nan cu un dushi lunch.

A pesar cu awa a yobe, finalmente e tempo a drecha y e shoot a termina exitosamente cu potretnan sumamente bunita y romantico di nos isla. Tanto Sally como henter e crew a keda hopi contento cu e resultado como tambe e cooperación cu nan a ricibi di tanto ATA como tambe e demas Partners nan cu a sa di duna un excelente servicio. Masha danki na tur persona y compania cu a coopera cu e grupo aki.