Categorized | Uncategorized

Dia Mundial di Telecomunicacion y di Sociedad di Informacion 2010

Posted on 17 May 2010 by admin

Oranjestad (buvo)Telecomunicacion ta encera cualkier transferencia, transmision of recepcion di señal di cualkier tipo via di un conductor (waya), espacio of medio optico. “Sociedad di Informacion” ta encera mas bien un sociedad (manera Internet) den cual mundialmente un y tur (incluyendo pobernan) tin acceso na informacion.

Un pabien ta bay na un y tur cu di un of otro manera tin di haber cu Telecomunicacion of Tecnologia di Comunicacion y Informacion (ICT), ariba 17 di mei “Dia Mundial di Telecomunicacion y di Sociedad di Informacion 2010″.

E grupo aki ta basta amplio y ta consisti di:
- Proveedonan di infrastructura di telecomunicacion manera infrastructura di telefon fiho, telefon mobil y television via kabel;
- Proveedonan di servicio di telecomunicacion manera servicio di telefon, Internet y television;
- Proveedonan di aparatonan di telecomunicacion;
- Companianan cu ta haci instalacion y mantencion riba aparatonan di telecomunicacion;
- Emisoranan di radio y television;
- Esnan responsabel pa e maneho y supervision riba e telecomunicacion;
- Usuarionan di telecomunicacion, cu ta esunnan principal.

Union Internacional di Telecomunicacion (ITU) ta scoge tur aña un tema pa e dia di 17 di mei. Den su reunion di aña 2009 e Conseho di ITU a acepta pa e aña aki como tema “Miho Ciudad, miho Bida cu ICT” (Better city, better life with ICT’s).

Via di e pagina di http://www.itu.int/wtisd/2010/theme.html por lesa loke e tema ta encera. Den liñanan grandi por bisa cu e ICT ta ofrece solucion pa diferente problema cu ciudadnan ta enfrenta; ta casi imposibel pa imagina bida sin ICT den un ciudad, ICT ta presenta maneranan inovativo pa organisa y maneha ciudadnan pa loke ta trata nan maneho di edificionan, trafico, consumo eficaz di energia y intercambio di informacion. Banda di esey tin cu bisa si cu un mayoria grandi den ciudadnan (di otro paisnan?) no tin acceso na medionan di comunicacion. Den e Cumbre Mundial tocante e Sociedad di Informacion cu a tuma luga na Ginebra (2003) y Tunesia (2005) a haci un yamada na paisnan pa considera pa establece mecanismo nacional pa logra acceso na medionan di telecomunicacion pa un y tur.

1 Comments For This Post

  1. merca2tecnia Says:

    Antes que nada muy buen artículo. Ya que estamos en tecnologia/ciencia, que piensan del juego Kinect? Apenas tuve la oportunidad de probarlo y esta buenisimos

Leave a Reply

Advertise Here
Advertise Here