ORANJESTAD – Durante un conferencia di prensa cu a tuma luga recientemente na Amazonia Churrascaria, Gerente General Hubert Solagnier, Gerente Asistente di Restaurant Carolina Raven, Chef Victor Olivares y Director di Mercadeo Irma Bijen a introduci miembronan di prensa na un opcion adicional di e restaurant, esta comemento a la carte.

“Nos ta preparando pa e restaurant su di 10 aniversario,” Solagnier a splica, “Casi un decada pasa, ora nos a habri pa prome biaha, e concepto Brasilero autentico di Rodizio Steakhouse ofreciendo comemento continuo, a bira popular instantaneamente. Awendia yegando nos di 10 anja, nos ta introduciendo un estilo fresco y nobo di comemento, esta a la carte, obtenibel pa tanto hendenan local como bishitantenan.”
”E opcion di a la carte,” Raven a agrega, “ta disenja pa satisface esnan cu no ta come hopi, y bishitantenan cu platonan distinto faborito di e menu, kendenan kier pidi simplemente un palo of dos di nan cuminda preferi.”

Efectivo e siman aki, bishitantenan tin mas plato pa scohe di dje na Amazonia Churrascaria. Nan por opta pa e parade tradicional y continuo di gauchonan, cortando mas di 14 preparacion di carni, galinja, carne, porco y soseishi prepara riba grill, of e opcion nobo di cena a la carte, unda nan palo faborito – for di Anasa prepara riba grill pa Parmesan Pork, Filet Mignon Lora den Bacon, Lamb Chop, of e Mixed Amazonia Skewer cu tenderloin y berduranan, y e Passion Skewer cu seis jumbo cabaron – ta wordo treci na mesa, sasona perfectamente y prepara lentamente riba un candela habri, den e estilo signatura di e restaurant.

Ambos estilo di come ta acompanja pa un salada di bar extravagante di cuarenta articulo cu ta cambia frecuentemente segun e temporada, unda bishitantenan por sigui come te ora cu nan no por mas, y un variedad delicioso di acompanjante delicioso.

“Mientras cu e opcion di a la carte ta nobo,” Bijen a agrega, “e restaurant ta ofrece un oferta local special riba diasabra y diadomingo, dunando tremendo balor pa placa na e bishitantenan local.”

E ultimo pa papia durante e conferencia di prensa tabata chef Olivares, kende a introduci e menu y a percura pa e miembronan di prensa presente saboria un seleccion generoso di Amazonia su famoso baby back ribs, marina den rum y sucu!

Cu dos escohencia, un fiesta completamente inclusivo y un deleita di a la carte, bishitantenan awo por individualisa nan aventura culinario miho na Amazonia Churrascaria, segun nan gustonan, combina cu e restaurant su lista di binja extensivo y ganador di premio di Wine Spectator, un bar bon surti y un tremendo seleccion di ciganan Cubano.