Categorized | Aviacion, Medio Ambiente

Cu cada camber nobo di Hotel, nos población ta bira mas pober?

Posted on 03 March 2010 by admin

COMENTARIO RISIBI DI G FRANCA -Den tempo di cambio di Gobierno noticia a core cu Ritz Carlton a sali for di graf atrobe, cualkier hotel cu habri na e momento aki ta haci mas daño cu bon na e comunidad arubano.

A bira tempo pa nos Gobernantenan traha ley cu ta exigi cu cada proyecto nobo un estudio di “Evaluacion Social” mescos cu actualmente ta exigi e ridiculo estudio di “Factibilidad” cu semper ta positivo. Pa nos Comunidad ta mas importante e estudio aki cu tin cu demostra si en berdad e proyecto aki ta bai conveni nos comunidad si of no y no e doño di e proyecto solamente. Último añanan e proyectonan cu a wordo traha ta solamente beneficioso pa e doño di e proyecto y esnan liga na e proyectonan y pa mantene nos salarionan mas abou posibel.

Con por ta posibel cu un Hotel ta wordo traha di 120 miyon dolar cu 10 aña liber di belasting, tin cu trece un cantidad grandi di trahador stranhero no ta inverti niun cen preto den vivienda pa nan, ta haña un seguro medico general pa e trahador y su famia ta paganan salario minimo, ademas di esaki e yiunan ta haya scool pornada y tur e gastonan extra aki ta core pa cuenta di nos Gobierno. Un hotel nobo, menos terenonan disponibel na Beach, nos naturalesa na werki, area arquelogico ta desaparece, beachnan banda di hotel grandinan ta satura (lodo), casnan pa e trahadornan, scoolnan pa nan yuinan, mas meneer di school, mas dokter, mas cama pa hospital, mas trahador den oficinanan di Gobierno, pa es motibo aki Gobierno no tin placa etc… E clase trahador a crece enormemente den e ultimo añanan cu hende stranhero y mayoria ta traha pa e salario minimo, consecuencia di esaki ta cu mayoria di nos población ta gana rond di e salario minimo. Sea cu cada biaha cu un kamber di hotel keda cla e nivel di calidad bida na Aruba ta dal un stap atrás, esnan cu ta gana salario minimo no ta aporta na belasting y ta aporta minimo na e Beneficionan Social y AZV y ta net nan ta bin cu famianan grandi y ta consumi mas for di nos ayudo Social.

Nos ta mira ademas di hotel, “Condominio ta wordo traha riba tereno erfpacht “Prime Property”, na Spanje na aña 2007 nan a encarcela rond di 5 Alcalde cu a entrega tereno “Prime Property” di Gobierno pa traha condominium y bendenan cu ganashi barbaro. Esaki ta sosodiendo aki na Aruba sin ningun reserva, apartamentonan impagable pa un yiu di tera. Trece mas stranhero den e estrato di salario minimo tin como consecuencia mayor problema social, mas sufrimento den pueblo. E cadena hotelera nan cu kier traha mas camber mester paga un seguro medico apart pa cada trahador nobo cu nan kier trece ademas di traha cas of apartment pa nan empleadonan stranhero por biba decente y yuda educanan y aporta na e comunidad cu obranan social di un parti di nan ganashi.

Corda cu mas lujoso e hotel ta mas trahador mester pa cada camber, si e tuma trahador di e otro hotelnan, e ora e otro hotelnan tin cu trece trahador nobo. Corda cu un trahador di den contratista of Valero no por traha Bell Boy, Waiter of Bartender, nan tin otro specializacion y ta tuma aña y inversion pa reeduca un hende si e kier bai den un di e funcionan aki. Recomendacion na nos Gobiernonan, consolida nos posicion actual mehora nos producto Turistico y paraturistico nos por haya un miho prijs pa nos producto riba mercado cu e consecuencia un mihor salario y orario di trabou, 40 ora pa siman pa e trahador hotelero y mihor consecuencia social den nos comunidad.





Free counter and web stats


Leave a Reply

Advertise Here
Advertise Here