ORANJESTAD /WILLEMSTAD -Evalina van Putten is an beauty pageant titleholder who was crowned Miss Curacao 2011 and represented her country in Miss Universe 2011 and is now the entative in Reina Hispanoamericana 2011.
1- Curacao, Eva van Putten Ganadora
2- Chile 3- Bolivia 4- Ecuador 5- Paraguay 6- Espana 7-Venezuela
Reina Hispanoamericana 2011
This annual beauty pageant, which began in 1991 as Reina Sudamericana (South American Queen), is based in Santa Cruz de la Sierra, Bolivia. Up to 2003 the participants were restricted to the 10 countries in South America; in 2004 participants from Panama and Costa Rica in Central America were invited; and in 2006 participants from Dominican Republic, Nicaragua, Puerto Rico & Spainjoined. In 2007 Mexico, Guatemala, Honduras & USA were added, and the name changed to Reina Hispanoamericana. The pageant is organized by Promociones Gloria, based in Bolivia. More than 15 contestants participate every year.

ORANJESTAD-Grupo di baile Masiduri a presenta un bunita show cultural na homenahe na un di e baluartenan di nos cultura, Sr. Lio Booi.
Cu presentacionnan di canto, musica y baile di diferente artistanan y gruponan local e evento folklorico ta sigur di bira uno hopi anima. E dushi sonido tipico di caha di orgel ‘Nos Cultura’ y tambe ‘Mi Dulcita’, canto di e primerisima Sharon Rose y solista Hilyann Croes y goza di e ritmo di tambu di ‘Grupo Sodo y Cuero’. Tambe por disfruta di e bunita piezanan di ‘Trio Amor’ y ‘Tipico Ola Tropical’. Presentacionnan di grupo di baile ‘Monarca’, ‘Flor di Trinitaria’ y sin laga afo, Masiduri, ta completa e programa varia pa e anochi tan special aki.

Sr. Lio Booi a ricibi un plakaat impresionante hunto cu su biografia. Sr. Lio Booi, baluarte grandi di Aruba, tawata un persona multi-facetico y a contribui inmensamente na e desaroyo di nos cultura. Banda di ta un gran musico, contribuiendo na loke awe ta nos himno nacional, Aruba Dushi Tera, Sr. Lio Booi tawata un pintor, actor, autor, poeta, declamado, orador y docente di Papiamento y pintura. Den corto un persona multi-talentoso y ta pesey kier dun’e e balor mereci. Grupo di Baile MASIDURI bau direccion di Vilma Kelly junto cu cooperacion di UNOCA- Marlene Lampe y varios gruponan musical- poetico y di baile a tene un show di kita sombre na honor di HUBERT O BOOI.
Un sala di Cas di Cultura bon concuri a mira y disfruta di momentonan cu ta trece hopi recuerdo pa un y tur den e forma simple cu Hubert Booi a compone masha hopi cansion. Un danki di Grupo di Baile MASIDURI y FAMIA Booi na tur cu a contribui na e anochi exitoso aki cu lo keda graba den curason di hopi.

ORANJESTAD – Dialuna mainta Minister di Comercio, Industria y Turismo di Colombia, Sergio Diaz-Granados a realiza un bishita di cortesia serca Minister di Turismo, Transporte y Labor di Aruba, Otmar Oduber.
E minister di Colombia a yega nos isla riba crucero di Pulman Tours y a regresa Colombia via avion. E bishita aki pa Minister Oduber ta mustra e interes y lazonan cu tin entre e dos paisnan. Den e rato cortico cu e dos mandatarionan di Turismo a reuni a papia riba e plannan cu tin riba e proyecto inicia pa Corsow caminda lo ofrece 7 destinacion diferente den un solo pakete.
Den cuadro di esaki Minister Oduber a indica cu e reunionnan riba e proyecto aki ta continua diamars na Corsow y Aruba lo tin su delegacion presente.
Minister Diaz-Granados a expresa palabranan di gratitud na Minister Oduber dor di a tuma tempo pa ricibi’e y conversa un rato cortico cune. Di su banda tambe el a mustra e lazonan estrecho cu tin entre Aruba y Colombia y e beneficionan cu nos paisnan por tin cu plannan pa futuro.
Minister Oduber dentro di poco lo ta realizando un bishita na Bogota y e mandatarionan a palabra cu lo sinta cu otro pa elabora mas profundo riba temanan turistico di interes mutuo.

ORANJESTAD – Diabierna anochi na Residencia di familia Werleman na Kadushi Largo a tuma lugar entrega di e rifa di cuadra di e rifa di Fudacion Cultural Kadushi. Den presencia di directiva di e fundacion, Andres Werleman, Ruben Krozendijk, Raynold Kelly e entrega official di e cuadra a bai pa sr Felis”Duffy” Croes”. Sr Duffy a conta cu dia di e festia Cultural ela keda masha encanta cu e cuadra y e no a duda mes pa cumpra un ticket y a pidi un deseo na su mama cu bay sosega serca papa dios un poko dia atras cu e kier gana e cuadra aki y desde e momento ey ela sinti cu elo ta e ganador y grandi ta e sopresa ora e a haja sa cu di berdad e ta e ganador Pabien. ta manda un palabra di danki na tur esnan cu a cumpra un rifa for di e fundacion asina aki bo a aporta 100% pa nos sigui traha pa nos Cultura Di Aruba nos ta conta cu boso apoyo un otro biaha. Un danki especial Fundacion ta manda na e gran Pintor Arubano Elvis Tromp. Tambe Fundacion Cultural Kadushi kier a invita pueblo di Aruba pa nan actividad venidero !!Reserva dia 27 Nov 2011 na Baranca di Jerba Bin Baila Bay Off cu Agrupacion T.A.K.L.A !! dia cu nan lo Bendishona nan di dos Disco Compacto y mucho mas!!

ORANJESTAD – Awe 20 di October 2011 Colegio EPI unidad Hospitalidad & Turismo ta celebra ‘Dia International di Chef’. Ariba e dia aki Unidad Hospitalidad & Turismo ta celebra hunto cu su chefnan docente,
pero tambe tur studiante, principalmente studiantenan di e programanan di Arte Culinario, e hecho di ta traha como Chef di cushina. Manera ta conoci, Unidad Hospitalidad & Turismo ta ofrece opleidingen ariba nivel di Educacion Profesional Intermedio (MBO). Den Arte Culinario ta ofrece un opleiding cu ta ‘Associate of Applied Science in Culinary Arts’ y tambe un programa ‘Apprenticeship’ caminda bo ta haya un certificado pa coki aprendis, esta ‘Certified Cook’. E opleiding di ‘Associate of Applied Science in Culinary Arts’ ta riba nivel 3-4 y ta un estudio culinario caminda cu e studiante lo siña prepara y produci platonan pa restaurant, companianan di catering y institucionan culinario. E studiante lo por aplica tambe pa institucionan internacional specializa den e Arte Culinario. E estudio aki ta dura 3 aña di cual tin un periodo di pasantia di 37 siman. Pa cuminsa cu e opleiding studiantenan mester tin minimo un diploma di EPB doorstroom of MAVO.

E programma pa Certified Cook, ta brinda studiantenan e oportunidad pa traha y studia alavez. Pa e opleiding aki e studiante lo traha 4 dia pa siman pa haya practica y bay scol 1 dia pa siman pa haya teoria. E estudio aki ta dura 3 aña y ta pa studiantenan cu caba EPB uitstroom of arbeidsmarkt. Unidad Hospitalidad & Turismo ta manda un caluroso pabien na tur studiante y staf di docente chef kendenan ta Chef Nuñez, Chef Leest, Chef Cilie y Chef Steba. Danki pa eherce e trabou aki cu tanto pasion y amor! Un pabien tambe na tur Chef di Aruba.

ORANJESTAD -Recientemente durante un conferencia di prensa nos Miss Aruba a anuncia su proyecto “Beauty with a Purpose” cu e lo presenta durante Miss World 2011 cu lo tuma lugar na London dia 6 di November proximo. Gillain a scohe e Fundacion Special Olympics Aruba cu ta organizando nan National Games den luna di November. E lo mester traha un video di 3 min pa asina presenta y promove e National Games di Special Olympics durante e certamen final di Miss World 2011.

E video lo consisti di un entrevista cu Sr. Karel Williams, National Director Special Olympics Aruba, entrevista cu algun atleta di e National Games 2011 y por ultimo un parti di su conferencia di prensa unda e ta anuncia su proyecto pa “Beauty with a Purpose” na comunidad di Aruba.

Durante di e conferencia di prensa Sr. Karel Williams di Special Olympics a anuncia nan National Games pa 2011 y a elabora tocante e National Games cu lo tuma lugar durante e weekend di dia 11 di November na Piedra Plat Entertainment Center. Nos Miss Aruba 2011 conhuntamente cu Special Olympics ta invita pueblo henter pa asisti na e National Games 2011.

Mas informacion tocante di e National Games di Special Olympics Aruba lo ser anuncia den medionan di comunicacion entrante di dia 7 di November. Gillain ta gradici Sergio Winterdaal cual a graba y edit e video pa e proyecto di “Beauty with a Purpose” y tambe su patronisador Aruba Bank cu ta support Gillain den tur su proyectonan.

ORANJESTAD Minister Otmar Oduber for di momento cu el a asumi responsabilidad ministerial a mustra claramente su interes y intencion pa mehora calidad di Producto Aruba. Parti di esaki ta encera duna realce na nos parti cultural y haci’e parti di e experiencia di nos bishitantenan.
Asina el a bin cu diferente cambionan den e area di waf, haciendo di e experiencia di specialmente e turistanan crucero uno mas agradabel unda cu a drecha y reorganiza tur e kioskonan den e area y tambe regula e sistema di tour bus. Di e forma aki ta mustrando nos bishitantenan e cultura di amabilidad y cordialidad cu ta caracteriza nos pueblo, den un ambiente agradabel pa tanto local como turista.
Banda di esaki, Minister Oduber a bin tambe cu Carubbian Festival na San Nicolas, un festival cu siman pa siman ta birando mas y mas un exito. Tur diahuebs turista ta mengle cu local y ta haya un sabor di loke nos cultura, artesania, cushina, historia y custumbernan ta.
Den e mesun cuadro aki, awor a yega turno na e kioskonan den waf caminda cu nan a wordo renova, hayando un toke tipico. Idea tras di e renovacion aki ta pa artista y artesanonan local por bin na remarke pa haya uno pa uso comercial y bende nan productonan na nos bishitantenan crucero.
Pa pone enfasis riba e parti di nos propio cultura, Minister Otmar Oduber a stipula cu tur esnan cu lo desea di bin na remarke pa haya un di e kioskonan mester tin nacionalidad Hulandes, mester ta registra na Camara di Comercio, y e productonan cu lo wordo bendi mester ta traha na Aruba mes y ademas wordo considera como producto local.
Tur artista y artesano cu ta desea di bin na remarke pa haya un kiosko riba tereno di waf por inscribi te cu dialuna 17 di october, 2011 5’or di atardi. Nan mester manda un e-mail cu nan nomber y number di telefon na s.lee@aruba.com of yama 582-4900 ext. 117 y tuma contacto cu Sue-Ann Lee na Ministerio di Turismo, Transporte y Labor.
Tur esnan cu inscribi cu ta cumpli cu e requisitonan lo wordo yama pa haci un presentacion di nan productonan durante Carubbian Festival caminda cu lo elegi esnan cu lo haya un kiosko.
Minister Otmar Oduber ta sumamente satisfecho di e resultadonan di e trabounan haci te na e momentonan aki caminda cu e respuesta di nos bishitantenan como tambe di localnan tabata uno hopi positivo, mirando cu ta realzando nos cultura den diferente aspecto y hiband’e mas serca di nos turistanan.

ORANJESTAD -Temporada di crusero pa Aruba a cuminsa y pa Parke Nacional Arikok esaki tambe ta e caso. Diahuebs 6 oktober De Palm Tours a trese e prome grupo di 14 persona di e barco Emerald Princess pa un caminata den Cunucu Arikok. E grupo ta consisti di turista Mericano y di Suecia. Salvador Franken tawata encarga cu e caminata aki, y e bishitantenan a keda masha contento di e servicio duna pa sr. Franken.

ORANJESTAD/LONDON – Year-round access to Aruba is becoming easier for UK visitors as of this month, with the introduction of new KLM Royal Dutch Airlines’ flights on 30 October 2011.

Due to take effect when the airline’s winter schedule is launched, KLM’s service to Aruba will increase from 2 to 5 times per week.

UK travellers planning to connect to Aruba can catch flights to Amsterdam Schiphol Airport from 15 UK Airports, including London, Birmingham, Manchester and Glasgow.

The flights will depart from Amsterdam on Tuesdays, Wednesdays, Thursdays, Fridays and Sundays at 12:45 hours and will arrive in Aruba at 17.50 hours on the same day. The return flight will depart from Aruba on the same days at 19:10 hours, arriving in Amsterdam the next day at 11:10 hours, leaving plenty of time for connecting flights to/from the UK.

KLM’s new service will offer the option of a business class product on flights to and from Aruba, meeting customers’ different demands.
CONTINUES BELOW

Aruba is also accessible year-round from the UK on a number of American air carriers, as well as British Airways, connecting via the States. TUI flies directly to the island from the UK from May to October.

Aruba Tourism Authority UK director Joanna Walding comments:

“The new flights will further reinforce Aruba as one of the top 10 Caribbean destinations for British travellers. With KLM’s increased service this winter, getting to Aruba is easier than ever before. With temperatures rarely dipping below 28°C, the island is the perfect destination for some winter sun “.

The sharp rise in APD is thought to have had a great impact on the tourist-dependent Caribbean, which falls into a higher tax band than the US. Many industry professionals fear that APD distorts the tourism market and could damage economic prosperity.

David Scowsill, President and CEO of the World Travel and Tourism Council (WTTC), recently called on the UK government to abolish the Air Passenger Duty (APD) as it harms the Caribbean economy and the Caribbean community living in the UK.

“APD has always been a blunt instrument and a bad tax. The distance-based system is discriminatory to the Caribbean and the Caribbean people living in the UK. The Caribbean is closer to the UK than the US West Coast, yet it is in a higher band,”

ORANJESTAD – En conexion cu dia internacional di turismo ariba diamars 27 di September, Aruba Tourism Authority a invita Dr. Joachim de Posada pa bin duna un presentacion na Aruba pa entre otro tur studiante di facultad di turismo di Universidad di Aruba y sector di hospitalidad y turismo di EPI.

Dr. de Posada ta co-autor di e famoso buki di motivacion ‘Don’t eat the Marshmallow…Yet!’ cual a wordo traduci den 20 diferente lenguahe y pa cual e a biaha pa mas di 60 pais pa duna presentacion. E buki a ricibi reconocimento di ‘The New York Times’ como e buki di mas mihor di luna.

En total a bende mas di 3 miyon buki. Den un auditorium completamente yen cu 270 studiante, miembronan di ambos facultdad, medionan di comunicacion y representantenan di Aruba Tourism Authority, Dr. de Posada a sa di captiva e atencion pa casi 2 ora largo cu un presentacion interesante y cu sigur a motiva tur esnan presente. Na final di su presentacion a rifa 5 buki cu a wordo firma y entrega pa Dr. de Posada.