Palm Beach – Un ceremonia casual di reconocemento na Divi Aruba Phoenix Beach Resort a reconoce e top asociadonan pa Januari y Februari di 2011.

Director di Benta Christy Garrido ta raporta cu su ekipo a surpasa su metanan di benta dos luna tras di otro, nan a surpasa tur espectativa, e ta bisa, dunando prestacionnan estelar den transcurso di e ultimo 2 lunanan, cu figuranan di benta kibrador di record pa Januari y Februari 2011.

Garrido a elogia e Ehecutivo di Benta In-House Rosy Russell y Ehecutivo di Liña di Benta Evelyn Peltier, Andreas Dorer y Miguel Daza pa nan trabou balente, tambe mustrando riba e esfuersonan haci pa Gerentenan di Benta Ruben Pietersz & Joanne Greeley den sosten di nan hendenan di liña.

E ekipo a topa otro den e Galeria di Benta pa celebra e campionnan di e di tres cuartal di 2010, esta Ruben Pietersz pa e luna di Oktober 2010, Joanne Greeley pa e luna di November 2010 y Hubert Cunha pa e luna di December 2010.

Mientras cu nos tin un tremendo ekipo, Garrido ta bisa, nos resort de hecho ta bende su mes, y cu e expansion completo, e proyecto awo ta inclui cuater edificio di ocho piso, cu cambernan nobo, den configuracionnan di studio, dos y tres camber di drumi, decora den un estilo Caribense contemporaneo cu telanan di cama blanco chic y muebles di palo scur, disfrutando di un coleccion nobo di restaurantnan, piscinanan y hardinnan tropical cu bista riba un di e playanan mas spectacular den Caribe.

Aki por mira, e ekipo di benta den nan oficina di benta principal, situa ariba di Pure Beach, ofreciendo esnan cu ta tuma un gira di e propiedad un sabor di paradiso. Divi a pasa door di un inversion di $115 miyon te cu awe, Garrido ta agrega, mehorando facilidadnan y amenidadnan pa provee experiencianan di vakantie di calidad mas halto, asina tambe birando e berdadero campion di vakantienan Caribense.

Wak e resort na: www.diviarubaphoenix.com. Aki por mira e ekipo di benta di Phoenix, Hubert Cunha cu Christy Garrido, Joanne Greeley cu Christy Garrido, top empleadonan di e di 3 cuartal y top empleadonan pa Februari 2011.

ORANJESTAD — Recientemente e studiante nan di EPB St. Cruz a ricibi un lectura tocante e conocido projecto di Aruba Reef Care Project. Ariba invitacion di Jufr. Kathy Helder a duna un lectura ariba e tema protección di bida marina. E lectura tabata ensera e necesidad pa conscientisa comunidad ariba e importancia pa proteccion y preservacion di bida marina. Sr. Castro Perez di Aruba Reef Care Project a presenta e obhetivo, mision y vision di e projecto. Ademas e studiante nan a ricibi splicacion di tur loque ta ensera e bida marino di Aruba y e importancia di un bon maneho di nos lama y beachnan. Tambe a discuti e posibel danjo of menasa cu por afecta nos bida marino, y ejempel nan cu a ser duna ta entre otro: danjo natural, accidental, sobre desaroyo, desperdicio industrial, derame di petroli y awa di riolering cu ta bai den lama. Esey nan ta algun desarollo cu por afecta negativamente e calidad di nos rif, mangrove, beach y lama rond di Aruba.

A duna un impression di con Aruba a desarolla economicamente for anja 1985 te awor aki. A mustra ariba e cantidad di camber di hotel cu a crece, e poblacion cu a subi di 60 mil pa riba 100 mil, 200 mil turista pa mas cu 1 million y nos naturalesa y

medio ambiente a keda atras. Pero di otro banda a ser presenta tambe e aspecto nan positivo cu e ultimo anja nan varios organisacion ambiental a bin cu iniciativa pa conscientisa nos comunidad ariba importancia pa cuida nos medio ambiente. A bin mas accion di limpiesa, campanja di concientisa, a focus mas ariba turismo sostenibel, maneho di zona costero (coastal zone management) y tin plan pa mehora nos beach pa asina Aruba por ricibi e certificacion di “Blue Flag”. Nan a wordo informa cu December pasa un fundacion e Parke Marino a ser lanta. Cu nan meta principal di protección y preservación di nos bida marino. E studiante nan a wordu informa cu e anja aki Aruba Reef Care Project ta cumpli 18 anja di existencia y dia 2 y 3 di Juli, 2011 Aruba Reef Care ta organisa otro grandioso accion di limpiesa.

Aruba Tourism Authority y Aruba Reef Care Project a hasi uso di e oportunidad pa invita e studiante nan di EPB pa participa na algun accion cu ta contribui positivamente na nos medio ambiente. ATA y Aruba Reef Care Project ta spera cu EBP St. Cruz di Aruba tambe den futuro lo tuma e decision pa adopta un beach of area. E beach of area cu wordu escohi por wordu manteni limpi periodicamente. tambe por contribui na cuida e medio ambiente di nos isla. Ariba e foto adjunto por aprecia e studiante di EPB St. Cruz y Sr. Castro Perez, representante di ATA y Aruba Reef Care Project.

ORANJESTAD – De start van het Carnavalsparade seizoen op Aruba begint met de Fakkel optocht. Dit jaar op zaterdag 8 januari 2011.
In deze film een blik van binnenuit de parade bij T.O.B Carnaval group. De huisband van T.O.B is Youth X treme.