ORANJESTAD -Diahuebs 24 Februari 2011 anochi Minister Otmar Oduber, reflehando un sentimento di orguyo grandi, a yama e team nobo di Aruba Tourism Authority sui generis bon bini. Den un sala completamente yen cu partnernan den turismo, Minister di Turismo, Transporte y Labor a elabora riba e proceso cu finalmente, despues di mas di 20 aña cu a papia riba dje, a yega na un independizacion di Oficina di Turismo.
El a indica cu un di e ‘bottlenecks’di ATA como departamento di Gobierno tabata su inabilidad pa por conta cu e fondonan na momento cu tabatin mester. Awor cu e leynan nobo na vigor, esaki no lo ta e caso mas. Awendia ATA tin e autoridad pa tuma decisionnan rapido, realiza compromisonan na momento necesario y sigura cu e pagonan ta wordo realiza. Hunto cu e autoridad aki, ATA lo para responsabel pa su maneho di fondonan y lo mester pone den funcionamento un organizacion administrativo y control interno bon hinca den otro.
Continuando Minister Oduber a duna di conoce cu na momento di papia di organizacion, realmente ta papiando di e hendenan. Den e ATA nobo por mira hopi cara di e ATA ‘bieu’, pasobra buscando ‘the right man or woman dor the right job’a ripara cu mayoria di e hendenan di ATA tabata e mihor hendenan pa e trabou. Awor nan ta den e organizacion nobo, cu hermentnan diferente, sistemanan y procesonan nobo, mas oportunidadnan pa desaroy y cu mas autoridad riba nan area di experticio.
E mandatario a sigui bisa cu ATA awor tin e espacio pa por duna un bon ‘return on investment’di cual nos tur por ta orguyoso. “Mi ta confia cu nan lo carga e obhetivonan cu mi a pone den mi maneho a termino corto y medio pa loke ta turismo, specificamente aumenta e impacto economico di nos bishitantenan dor di atrae e bishitantenan cu tin e potencial pa gasta mas riba e isla; aumenta e cantidad di bishitantenan na momento cu ta necesario, y sigura cu tin un diversificacion sano di mercado y nichenan geografico pa garantiza un desaroyo turistico stabil y vigoroso pa e añanan nos dilanti”.
Cu un stem hopi emociona, Minister Oduber a indica cu pa por a logra e meta aki, hopi stakeholders mester a kere of wordo convenci, den e necesidad di un cambio di structura di e organizacion importante aki. Promer cu tur cos, e creencia cu Aruba Tourism Authority ta un organizacion asina importante cu e mester a haya un trato diferente na e otro departamentonan di Gobierno; cu e no por a sigui ta un departamento di Gobierno bou hurisdiccion gubernamental. Na di dos lugar, e creencia, cu lo tabata e caminda corecto pa sigui pa separa finanza di Gobierno for di finanza di ATA. “Cu compresion y sosten total di Promer Minister Mike Eman y Minister di Finanza, Mike de Meza, pero tambe cu e sosten di mayoria di Parlamento, mi por ta para awe orguyosamente dilanti bosonan y bisa cu den un aña y algun luna nos a logra un meta cu tabata riba agenda di hopi minister y gobiernonan”.
Despues di esaki Minister di Turismo a cuminsa wak dilanti, loke nos por spera pa loke ta trata turismo. El a bisa cu e ta spera un futuro mas exitoso, pero cu tin varios reto grandi nos dilanti. Mundo ta pasando den cambionan cu no por a wordo pronostica algun aña atras, y e cambionan lo sigui ta dramatico. “Nos mester ta semper prepara pa por ta cla pa atende cualkier reto cu lo bin den nos direccion”.
Mientras cu e mandatario ta sigui stipula su maneho pa cu turismo, sigui traha continuamente pa mehora nos producto, pone tur su atencion den solidificacion y atraccion di aerolineanan y cruceronan, ATA lo pone tur su atencion den e mercadeo di nos isla como un destinacion turistico excepcional y deseabel. “Mi ta spera un forza laboral yen di inspiracion, pasion y entusiasmo; dedicacion y compromiso; cu un base solido di inteligencia y intuicion empresarial, cu profesionalismo y competitividad, capaz di tuma bon decisionnan na beneficio di nos isla. Mi tin expectativanan halto pa loke ta e ATA nobo y e CEO nobo di ATA, y mi ta sigur cu mi no lo wordo defrauda mirando cu den un tempo cortico mi por a wak resultadonan grandi caba”, Minister Otmar Oduber a finaliza bisando y asina el a yama e promer CEO di ATA pa dirigi su mes na e invitadonan presente.

ORANJESTAD – Recientemente Facultad di Turismo di Universidad di Aruba a firma un contract di colaboracion cu Universidad di South Carolina (USC), un di e diez mihor univerisdadnan den region sur-este di Merca. E prestigioso USC ta conoci como e Universidad mas inovativo na Merca cu mas di 150 estudio den distinto ramo, incluyendo estudio academico den ramo di hospitalidad, turismo, deporte, comercio y fashion.

E colaboracion estrecho habri porta pa asina fortalese lasonan di educacion internacional pa tanto docente como studiante.

Como parti di colaboracion ya caba docentenan di USC ta dunando les na Facultad di Turismo y ta hacienda investigacion academic riba distinto tema conhuntamente cu docentenan na Facultad di Turismo. E programa di investigacion colaborativo lo juda desaroya conocimiento nobo riba temanan cu ta relevante pa sector turistico tanto na Aruba como South Carolina, y lo enfoca riba preguntanan economico, social, laboral, tecnologico y ambiental relaciona cu sostenebilidad y inovacion di turismo. Alaves, docentenan di Facultad di Turismo lo pasa un asina ‘intense sabbatical’ na USC pa amplia nan conocimientonan.

Pa studiantenan e colaboracion ta nifica distinto oportunidad pa specialisa den ramo nobo relaciona cu maneho di deporte y comercio internacional. Ana pasa caba Facultad di Turismo a dicidi pa diversifica su programa academico cu specialisacion den area di ‘sports management & marketing’, ‘sports events management’, ‘creative industries’ y ‘retail y fashion’. E conocimiento y habilidadnan aki den pensamento di Facultad di Turismo ta sumamente importante pa asina desaroya y empuha nos economia y mercado laboral den areanan nobo di diversificacion y inovacion.

Un di e beneficionan adicional y importante pa studiantenan di Facultad di Turismo ta e programa structural di intercambio di studiante, unda studiantenan por studia na USC y pasa un of mas semester sin mester paga collegegeld adicional. Asina aki Facultad di Turismo ta habri porta pa studia na Merca sin paga e tuition internacional Mericano cu normalmente ta mas cu $15.000. Como parti di e colaboracion, studiantenan di Facultad di Turismo ta paga solamente nan tuition local na Universidad di Aruba, y no mester paga collegegeld extra na USC. Di e manera aki Facultad di Turismo ta stimula experiencia internacional cu ta importante pa profesional den ramo di turismo y comercio internacional, pa asina contribui na desaroyo di nos pais.

ORANJESTAD/AMSTELVEEN -A partir de la próxima temporada de verano, que se inicia el 27 de marzo, los pasajeros de KLM Royal Dutch Airlines podrán disfrutar de una nueva clase de negocios en los vuelos europeos. Este producto sustituirá a la actual clase “KLM Europe Select”.

Según un comunicado de prensa de la compañía, la nueva “Europe Business Class” proporcionará a los pasajeros de negocios que viajan a destinos europeos un asiento con más confort y espacio, un servicio de catering mejorado, así como servicios prioritarios tanto a la salida como a la llegada.

“Un amplio estudio llevado a cabo entre los clientes de la clase preferente de KLM ha revelado la demanda de un mejor y más cómodo servicio que permita a los pasajeros trabajar o relajarse a bordo. Estamos encantados de poder responder a las demandas de nuestros clientes ofreciéndoles con la “Europe Business Class” un producto ampliamente mejorado, nuevo y
confortable”, ha afirmado Erik Varwijk, Director General de la División Comercial de KLM.

Un asiento en la nueva “Europe Business Class” proporciona un 50% de espacio adicional, ya que el asiento del centro está siempre vacío y no puede reservarse. Además de mejorar el nivel de confort, también ofrece al pasajero de negocios más privacidad, detalla la nota.

Por otra parte, todos los asientos de clase ejecutiva de la flota Boeing 737 serán próximamente equipados con una toma para cargar dispositivos electrónicos.

Catering mejorado

También el menú y la presentación de las comidas y bebidas a bordo se modernizan enteramente. “KLM va a introducir un menú de alta calidad más refinado y con más opciones para elegir, en función del vuelo y de la hora de salida. Cada mes se servirán cuatro menús distintos. Las comidas se acompañarán de vajilla de porcelana creada por el diseñador
holandés Marcel Wanders, idéntica a la “World Business Class” de los vuelos de largo alcance”, explica la compañía.

La “Europe Business Class” se implementará en todos las rutas europeas operados por KLM o su filial KLM cityhopper, es decir, en unos 500 vuelos diarios hacia más de 60 destinos.

ORANJESTAD/BERLIN -International tourism recovery is underway across the world. Sustaining this growth through innovation, while advancing social responsibility in the sector, is the objective at the heart of the activities and events organized by UNWTO at this year’s Travel Trade Show, ITB Berlin (Berlin, Germany, 9-13 March 2011).

The UNWTO Secretary-General will deliver the keynote address at the official opening of ITB (8 March, 18.00, ICC, Hall 1) reflecting on tourism’s role in the past decade, looking ahead to the next, and setting the tone for UNWTO activities at ITB 2011:

Silk Road Ministers’ Summit (9 March, 11.00 – 13.00, Room Istanbul between Halls 10 and 11)

Leaders of the Silk Road destinations will meet to discuss how they can work together to maximize tourism development through the revival of the Silk Road brand. Organized by UNWTO and supported by ITB Berlin, the Summit will debate development and investment opportunities while tackling some of the regions’ most critical issues and challenges such as travel facilitation.

The Silk Road B2B Tour Operators Networking Event (10 March, 10.00 – 11.30, Room Istanbul between Halls 10-11) will bring together outbound and incoming tour operators to explore new business opportunities and exchange tips on selling the Silk Road.

The Silk Road Hour, shown daily at 14.00-15.00 on the silver screen at the ITB Film Festival 2011, will be a collection of short films and live cultural performances featuring the destinations of the Silk Road, organized by the National Tourism Administrations.

Workshop on the Protection of Tourists/Consumers and Travel Organizers (9 March, 17.00 – 19.00, Palais West, North Entrance through Hall 19)

The rapid growth in international tourism, coupled with the rise of crises situations, man-made or natural, calls for global binding rules governing the rights and responsibilities of tourists and tour operators. This first UNWTO Workshop is intended to trigger debate on a future legal instrument that will ensure the protection of both tourists and professionals in times of crises.

The UNWTO Secretary-General will present the tourism trends and figures for the full year 2010 and preliminary data for 2011. The conclusions of the Global Tourism Forum Andorra 2011, directly preceding ITB, will be presented, as well as the calendar of upcoming UNWTO events for 2011.

Launch of the UNWTO/UN Women Global Report on Women in Tourism 2010 (11 March, 10.30 – 12.30, ICC, Hall 7)

Since 2008, UNWTO and UN Women (formerly UNIFEM) have been working together to bring gender issues to the forefront of tourism, promoting gender equality, women’s empowerment and the mainstreaming of gender issues in national tourism policies and corporate decisions. The result of this close collaboration, the ‘Global Report on Women in Tourism 2010’, is a landmark study and the first to map women’s active participation in the tourism sector worldwide.

The report will be officially launched at ITB by the UNWTO Secretary-General, Taleb Rifai, and the UN Women Deputy Director, Joanne Sandler.

26th Meeting of the Task Force for the Protection of Children in Tourism (11 March, 14.30 – 17.30, ICC, Hall 7)

The annual meeting of the International Task Force for the Protection of Children in Tourism will this year focus on child protection in tourism planning and development.

ORANJESTAD – Dia 1, 2, 3 y 4 di maart proximo lo tuma luga un biaha mas den Parke Arikok e Contacto Cultural pa scolnan basico rond di Aruba. E meta principal ta pa promove y conserva nos herencia cultural y natural. E aña aki ta hopi special, mirando cu nos ta celebrando nos prome lustro y tambe paso nos ta den e aña di celebracion di Aruba su 25 aña di Status Aparte y 35 aña di Himno y Bandera. Pa e motibo aki e cinco departamentonan cu ta participa ta bin cu tema cu ta refleha esaki.
Pa e alumnonan por bay den tempo y sinti mescos 25 aña pasa, ta bay reconstrui e aubade di dia 1 di januari 1986. E alumnonan ta bay canta himno mientras ta subi e bandera di Aruba, sigui nan ta canta cuater cantica tipico na e bandera. Di biaha esaki ta un training pa e alumnonan cu tambe lo bay canta e aubade dia 18 di maart. E scol mas bunita bisti y cu mas bunita decoracion ta wordo premia.

Publico en general tambe por bin haya informacion tocante nos herencia cultural y natural riba diaranson dia 2 di maart for di 7:30 te cu 10:00 di anochi. Entrada ta completamente gratis. Pueblo por bin wak ki informacion Contacto Cultural tin di brinda nos muchanan y Aruba henter tocante nos herencia.
Departamento di Cultura (DCA) lo tin como tema ‘Nos Isla Aruba’ unda cu lo duna informacion basico riba diferente tereno di nos cultura y nos isla en general. Topiconan cu lo wordo trata ta e formacion geografico di Aruba, nos himno y bandera, nos idioma, nos moneda y nos escudo. Tur esaki lo ta den forma di un video documental unda cu e hobennan lo sinta na grandi den ambiente di cinema.
E departamento di Media di Biblioteca Nacional Aruba (BNA) ta bay duna un bista breve di kico nan trabou ta. Tambe lo conta un tiki di e historia di media y e uzo di ekipo pa medio di video. Lo bay pasa algun pida di video di Himno y Bandera y Status Aparte na aña 1976 y 1986.
Pa e alumnonan cu ta bishita den dia lo tin oportunidad pa experiencia cu filma pa nan mes.
Fundacion Desaroyo Educativo Comunitario (FDEC) ta bay presenta e desaroyo di Aruba su carnaval di prome cu Status Aparte te awo. Un maestro di FDEC ta bay bin interpreta algun cancion di carnaval riba steelpan. Tambe FDEC lo expone diferente potret di carnaval di antes y tambe trahe carnavalesco, headpiece, corona, mantel y sjerp.
Archivo Nacional Aruba (ANA) ta bin cu un parti chikito di e exposicion cu nan lo expone dia 18 di maart. ANA ta presenta un bolo grandi artificial traha cu tur e banderanan di e scolnan cu a participa na aña 1976. Pa dorna e bolo nan ta pone e bandera di Aruba bula riba e top di e bolo. Tambe ANA ta bay splica e servicio cu e departamento ta ofrece.
E aña aki Parke Nacional Arikok ta bay duna informacion tocante tur parha cu ta biba na Aruba. Arikok ta bay duna splicacion di ki forma cada un di nos por conserva nos herencia natural. Tambe lo tin parhanan bibo pa e publico haya un miho conocemento di e parhanan.
DLVV (Santa Rosa) ta bay duna informacion tocante plantacion, matanan local, cria di bestia y piscamento rond di Aruba. Lo tin foyeto informativo pa parti durante e siman di Contacto Cultural.

Aruba henter ta invita pa bin pasa un anochi agradabel y informativo na Parke Nacional Arikok riba diaranson 2 di maart di 7:30 te cu 10:00 di anochi. Entrada ta gratis!

ORANJESTAD -Dialuna mainta a celebra e triunfo di reina di Colegio EPI srta. Levi Thodé, kende a sali Reina Grandi di Aruba su Carnaval 57. Studiantenan, docentenan y tur otro personal di Colegio EPI ta hopi orguyoso di e presentacion di Levi den Entertainment Center y cu e logro di Reina Grandi di Aruba su Carnaval 57.

Den pauze den Foodcourt di Colegio EPI a otorga Levi un bunita bouquet di flor como aprecio pa su logro. Un biaha mas Levi hopi pabien!

ORANJESTAD – Diabierna 18 di februari ultimo, den un Ballroom di Aruba Marriott Hotel completamente yen, EPI Hospitalidad y Turismo a tene un cena pa celebra graduacion di un grupo di studiante cual a logra termina nan estudio cu exito. E anochi aki tabata tin graduacion di tres diferente programa cu ta wordo ofreci na e Unidad di Hospitalidad y Turismo, cual ta, Certified Cook (Apprenticeship Program – AP), Culinary Arts (Immediate Employment – IE) y Hospitality Management (Further Studies – FS).

E apertura di e anochi aki tabata den man di docente Randy Geerman cu tambe a fungi como maestro di ceremonia pa henter e anochi festivo aki. A continua cu e coordinador di e programa di Certified Cook (AP) den persona di juffrouw Eddelyn Dijkhoff cu a desea e studiantenan hopi exito den nan futuro carera. Otro oradornan tabata entre otro Minister di Enseñanza y Justicia, Minister mr. drs. Arthur Dowers, señora Undina Harms, Algemeen Directeur di Colegio EPI y señora Ronella Croes, CEO di Aruba Tourism Authority.

E felis graduadonan di e anochi aki ta lo siguiente.

Pa e opleiding di Apprenticeship AP (Certified Cook): Yannick Benjamin, Sharlina Bernabela, Moises Carvajal Jimenez, Gerald Chirino, Ahmorry Christiaans, Alesha Da Costa, Miguel Funez Alvarez, Irene Hazbun Balsa, Ludovico Henriquez, Carlene Jean-Baptiste, Tashi Krind, Leandro Orozco Galvis, Chantal Ridderstaat, Jurybeth Rijke y Myron Winterdal.

Graduado di e opleiding Associate of Applied Science in Culinary Arts: Francis Adoptie

Graduadonan di Associate of Science in Hospitality Management: Asarelah Balootje, Gerrit Croes, Giovanny Croes, Glenbert Figaroa, Derrick Franken, Micaela Gario, Darlene Giel, Nikki-Ann van Kessel, Ghislaine Lacle, Kristi-Lynn Lo-Fo-Sang, Desiree Maduro, Donya-Jean Martell, Kylee Perez, Avonda Powell, Edwin Sanchez Patiño, Edward Suero Santana, Zilha Wever, Shariffa Windfield y Shanella Pantophlet.

Ademas di esaki tabata tin diferente studiante di e opleiding Apprenticeship – Certified Cook cu a haya un plakaat pa a destaca como studiante den nan area: Knowledge of Theory: Leandro Orozco, Culinary Skills Award: Miguel Funez, Pastry Award: Leandro Orozco, Outstanding Logbook Award: Irene Balza, Student School Spirit Award: Tashi Krind, Overall Academic Excellence Award: Chantal Ridderstaat.

Staf, faculty y management di EPI Hospitalidad y Turismo kier a gradici tur persona cu a yuda pa e anochi aki tabata uno exitoso, specialmente e personal di Aruba Marriott Resort and Stellaris Casino pa nan bon servicio. Por ultimo ta desea tur studiante hopi exito den futuro y cu nan por continua ta exitoso cu nan meta cu nan tin den bida.

Palm Beach – Recientemente un grupo di 130 ehecutivo profesional di Colombia, Sur America, a haci un bishita delicioso na Amazonia Churrascaria. E grupo a baha for di un barco crucero den e waf na Oranjestad, a subi busnan airecondiciona pa un gira di e isla y a conclui e bishita alegre na Aruba cu un lunch na Amazonia Churrascaria. Adventure of the Seas, un di e barconan faborito di Royal Caribbean, a bishita Aruba e siman aki, y De Palm Tours a yuda facilita e tremendo experiencia aki. Aki por mira e bishitantenan disfrutando di e tremendo cuminda den compania fantastico na Amazonia Churrascaria.

ORANJESTAD – Fundacion Un Canto Pa Aruba y su Himno y Bandera lo presenta otro festival dedica na Pais Aruba den Club Caiquetio Diasabra 12 di Maart. Miando cu actividad di carnaval lo termina Diamars 8 di Maart cu kimamento di Rey Momo, a bira poco dificil pa organisa pre final di e cantantenan pa despues bay final, y como tal fundacion a haye obliga pa bay un solo anochi.
E festival lo ser dedica na e cantante di tur tempo cu ta Jossy Brokke kende tin 50 anja den farandula Arubano y internacional. E jovencito Jonathan Croes tambe lo ser honra pa su logronan y un cantante cu tur tur provenir.
No official Fundacion Un Canto Pa Aruba y Su Himno y Bandera a haya for di e compositornan cu tin 21 cancion pa e festival apesar cu e tempo ta cortico ya cu ta temporada di carnaval.
Diaranzon 23 di Februari pa 8 or lo tin reunion na Urataka Center pa inscribcion y alavez no lot e composicionnan .
Sigientemente aprecia nos artistanan lokal treciendo e tradicion y cultura di Aruba pa mundo via internet.

Alto Vista – Recientemente un total di 24 empleado di De Palm Tours a duna boluntariamente di nan tempo pa haci limpi e area rond di e Kapel di Alto Vista y Boca Pos de Noord. E empleadonan a wordo dividi den dos grupo, cu un grupo chikito di boluntario saliendo rumbo pa e kapel historico di Alto Vista arma cu lawnmowers y weed whackers pa corta e yerba cu a crece bira halto danki na e awacero pisa cu e isla a experiencia den e lunanan di November y December. Yerba cu a yega te e cintura di e boluntarionan a wordo corta pa forma un tapijt berde rondonando e kapel.

E otro grupo di empleado, consistiendo di 18 boluntario, a sali den un direccion zuid for di e kapel pa bai Boca Pos de Noord, unda nan a haci limpi loke tabata parce seronan di sushi cu a subi tera debi na e lama bruto di e ultimo dos lunanan. Mas di 3 truck yena cu sushi a wordo uza pa transporta e sushi, cual pa mayoria parti a consisti di botternan plastico, papel plastico, sapatonan, cosmetica y hasta un auto bieu. Despues di 3 ora di trabou intenso e boca a regresa bek pa su condicion perfecto, cla pa wordo disfruta door di hendenan local y turistanan cu ta disfruta di cana rond of bishita e area cu auto.

Den e ultimo 6 lunanan un ekipo boluntario di empleadonan dedica di De Palm Tours a traha duro pa haci limpi e area rond di Kapel Alto Vista y e bocanan situa denter di un kilometer panord y pazuid di e kapel. Manera nos potretnan di durante y despues di e limpiesa ta mustra, e boluntarionan di De Palm Tours ta orguyoso di e trabou cu nan a haci pa tene algun di e areanan mas bunita riba e isla den un condicion perfecto pa bishitantenan y hendenan local.

E ekipo di De Palm Tours lo ta regresando pa e Kapel di Alto Vista unda nan lo haci limpi y decora e center piece dilanti e kapel durante un limpiesa cu ta programa pa tuma luga mas laat e luna aki.