ORANJESTAD- Manera ya ta un tradicion di tur anja DANDE ta habri bo Anja Nobo jen di alegria y bon deseonan.
Comision Promove Cultura pa 10 anja consecutivo ta organisa e Festival di Dande Infantil y Hubenil na Centro di Bario Tanki Lender. E anja aki atrobe esnan presente y otronan cu a sigui esaki via radio y tambe via www.arubasuturismo.com livestream por a disfruta di nos hobennan conservando nos cultura y tradicion.

Pa esnan cu ta desea un recuerdo di e anochi inolvidable aki cu participacion di 33 cantante hoben y 9 agrupacion musical, por haya e DVD di e 10 Festival di Dande Infantil & Hubenil teni diamars 28 di December 2010 yamando telefon (297) 592-4577 y haci nan bestelling. Tambe por haci’e via SMS (297) 740-3030 indicando nomber/adres y nos lo yama back pa ora/dia di entrega.

Di antemano nos ta desea Aruba y mundo henter un Prospero Anja 2011 y cu Dios drama su Bendicion riba nos tur. Bon Anja Ay NOBE !!!! Deseo di www.arubasuturismo.com

ORANJESTAD – Aña 2010 ta practicamente tras di lomba y mi ta contento di por bisa cu hunto cu mi team, e departamentonan cu ta resorta bou di mi ministerio, mi coleganan minister, partnernan strategico, Parlamento di Aruba, pero mas ainda, cu e sosten di Pueblo di Aruba y guia di nos Creador, nos por a cana Dos Stap Dilanti.

Durante e aña cu nos ta bisando ayo, nos a logra diferente meta cu a wordo poni nos dilanti den arena turistico.
KLM a regresa Aruba, Carnival Cruise Lines a bolbe nos waf despues di un ausencia di mas cu 3 aña. A crea e Tourism Council cual ta un organo for di cual mi ta ricibi consehonan importante pa loke ta trata nos turismo. Cu sosten di Parlamento por a aumenta e roomtax cu 3 ½ porciento, a crea e Aruba Tourism Marketing Fund (ATMF) y e Tourism Product Enhancement Fund (TPEF), cada uno cu nan propio presupuesto y directiva.
Aruba a marca historia den industria turistico cu e partnership sin precedente cu sector priva pa loke ta trata ATMF, mientras cu TPEF ta haciendo un diferencia positivo den cuadro di proyectonan pa mehora nos producto.
No por laga afor e reapertura di The Aruban Resort, cual awe tin e nomber di Tropicana y proceso ta andando pa por finaliza e acuerdonan pa converti e ruinanan di Bushiri den un hotel 5 strea.

E aña aki tambe nos a introduci un logo y imagen nobo di Aruba, uno cu ta wordo usa rond mundo y cu ta contribuyendo na un mihor mercadeo di nos isla den exterior.
2010 tabata un aña caminda mundo a conoce Aruba den un otro ambiente, uno di glamour y excelencia cinematografica durante e promer Aruba International Film Festival cu a conta cu e famoso actor Richard Gere como host.
Den mesun cuadro aki mi a firma e aña aki pa otro novum pa Aruba, uno cu lo pone nomber di nos isla briya den mundo di moda, e Aruba In Style fashion event cu lo tuma lugar na 2011.
Un di e logronan di mas grandi como persona y como politico den e esfera turistico ta e independizacion di ATA, convirtiendo esaki den uno sui generis. Durante añanan largo diferente ministernan a purba di logra esaki y finalmente na cuminsamento di 2011 esaki lo por bira un realidad cu sosten di Parlamento.
Riba tereno di Transporte tambe por mira cu 2010 tabata uno fructifero pa nos isla.
Aeropuerto Reina Beatrix ta keda di nos pueblo. A pesar cu Gobierno anterior a habri e porta pa entidadnan externo por a cumpra accionnan di nos aeropuerto y tambe pa Schiphol Group por a haya un stul den e Hunta di Comisario di aeropuerto, e aña aki a firma un adendum cu e grupo aki caminda ta elimina e dos partinan aki, sigurando cu aeropuerto ta keda propiedad di pueblo. Tambe mi por bisa cu orguyo cu a logra pone un profesional local banda di e director di aeropuerto.
E proceso pa moderniza control di trafico aereo ta andando caminda a involucra e controladornan di trafico aereo tambe den e proceso aki.
Regulacion y reglamentacion di transporte publico ta hayando e atencion necesario caminda cu a yega na acuerdonan cu taxistanan, autobusnan y T/O vergunning houders. Intencion ta pa por tin un mihor servicio di transporte publico unda tanto esun cu ta duna e servicio como esun cu ta ricibi’e por keda satisfecho. Pa logra esaki tabata importante pa por tin mayor control di transporte publico y mi por bisa cu satisfaccion cu esaki ta algo cu ta bayendo biento en popa, DOPV cu awor ta conta cu un Management Team ta funcionando tremendamente y ta visibel riba nos isla, nan ta haciendo nan trabou manera debe ser.
E parti di Labor tambe ta pasando den momentonan di cambionan pa mihor y 2011 lo ta e aña caminda esakinan lo bira realidad. Na e momentonan aki Gobierno, doño di trabou y representante di trahadornan ta na mesa pa cambia y moderniza varios di nos leynan laboral. Por bisa cu tin acuerdo caba riba varios di nan caminda ta resalta e eliminacion di e trabounan ‘on call’ y e proteccion di e trahadornan na momento cu un compania bati bancarota of cambia di doño/operador.
Algo cu ta yenami cu hopi alegria ta cu e cursonan di Enseñansa pa Empleo a wordo restableci, ofreciendo asina posibilidadnan di adelanto laboral pa hopi di nos hendenan.
Departamento di Agricultura, Cria y Pesca a mira un cambio grandi na 2010. Despues di tabata un departamento cu a wordo bandona hopi, mi meta tabata pa rebiba esaki y e ta tumando lugar caba. DLVV ta mas accesibel na e momentonan aki pa tur esnan cu tin nan ofishi den sector primario di nos economia. Banda di esaki apasa den Parlamento un ley cu ta permiti tur esnan cu tin e ofishi di pesca, cria of agricultura y cu ta inscribi na Santa Rosa, pa importa tur material relaciona cu nan trabou liber di impuesto. Esaki tabata pa duna un empuhe na e parti di nos economia aki, cual den mi opinion ta hopi importante tambe pa desaroyo di nos isla. Tin varios proyecto na caminda pa e sector aki y 2011 ta mustra cu lo bira uno mas positivo ainda den e area aki.
San Nicolas tambe a haya atencion special durante 2010 na momento cu a tene e Soul Beach Festival na Joe Laveist Sport Park, cual a resulta un exito total y ya caba mi ta confirma cu na 2011 e lo bolbe tuma lugar pariba di nos isla. Kedando den e cuadro di San Nicolas, e creacion di Carubbian Festival, ta algo di lo cual mi ta sintimi hopi orguyoso. Ta trata di un evento cu lo contribui na un desaroyo pa San Nicolas completamente diferente caminda cu lo focus riba nos historia y cultura cu ta unico di pariba unda mas di 50 nacionalidadnan ta convivi cu otro. Pa medio di e festival aki lo mustra nos bishitantenan nos cultura y historia. 2011 lo bira sigur uno hopi importante pa San Nicolas, cu finalmente ta hayando e atencion debido.
Tur e logronan aki mi no ta consideranan logronan personal, ta logronan di cada un di boso cu ta biba riba e pida baranca aki. Mi kier a gradici nos Creador, sin dje nada di esaki lo por a wordo logra.
2010 tabata un aña cu hopi positivo y mi mas sincero deseo ta pa 2011 lo ta mihor ainda pa cada un di nos. Cu Dios drama su bendicion den cada hogar na Aruba y cu e sigui iluminanos pa por logra mas cosnan positivo na bienestar di nos hendenan.

Feliz Aña Nobo yena di bendicionnan,

Otmar E. Oduber
Minister di Turismo, Transporte y Labor

ORANJESTAD- Manera ta conoci e di 38 festival di Dande lo tuma lugar Diadomingo 26 di December esta segunda Pasco den Club Caiquetio na Paradera. E festival lo ser dedica na Sr. Pampi Suarez y Sr. Roberto Orman.
Un tal di 16 agrupacion a registra nan participacion den e gran fiesta di fin y comienzo di anja nobo cu total di 50 dande, 17 pieza tipico, 10 cansion propio composicion nobo y 7 composicion tumba di anja nobo.

E lista di e agrupacionnan ta manera di sigui.
Agrupacion 1: Arugaldo cu un cansion nobo propio composicion “E pato Blanco Den Cura” compositor/arreglista/cantante Marlon Maduro ritmo tumba. Cantantenan di Dande, Robin Giel, Eldrick de Cuba, Marlon Maduro, Xavier Geerman.
Agrupacion 2: Politie Opleiding School “P.O.L.” cu un cansion tipico “Solo Lo No Briya´, un dande canta pa Pedro Kock.
Agrupacion 3: Grupo Alegre Noord; festival tipico un tumba, festival propio composicion “Esun Di Awor Ta Mas Miho” ritmo tumba, compositor/arreglista/cantante Toni Werleman. Cantantenan di dande Tico Petrocchi, Tano Carrion, Ludi Werleman, Francis Jacobs, Francela Jacobs y Toni Werleman
Agrupacion 4: Paranda Ta Nos; cansion tipico, cantante di dande Srta, Maya Croes. Un cansion Tipico y un Propio composicion.
Agrupacion 5: Tipico Macuarima; cansion tipico Wals “ Anette”; Tumba di Anja Nobo “Dande Di Nos E Ta Ricibi’e”. compositor/arreglista Jaderick Croes cantante Velouskka Krosendijk. Cantantenan di Dande; Hilyann Croes, Malily Martes, Alejandro Dirksen y Fernando Dirksen.
Agrupacion 6: Los Hermanos; Festival Propio Composicion “Donjo Di Bo Flor” Tumba, compositor/arreglista Elton Trimon, cantante Rendel Trimon, cantantenan di dande Oslin Trimon y Eusebio Tromp.
Agrupacion 7: La Bomba cu un cansion propio composicion, un cansion tumba di Anja Nobo, cantantenan di dande Derrick Dabian, Jean Claude Croes, Casey Dozier y e dama Rosy Croeze.
Agrupacion 8: Tipico Alegre Kadushi Largo, cansion Tipico “Ay Tinama” ritmo tumba compositor Adres Werleman, arreglista Tico Kelly, festival propio composicion “Mi Welo” compositor Andres Werleman, arreglista Tico Kelly y cantante Joan Werleman. Cansion Propio composicion “No Bando ne” ritmo wals, cantante Ortencia Kelly, compositor/arreglista Tico Kelly. Tumba di Anja Nobo; compositor Andres Werleman, arreglista Tico Kelly, cantante Joan Werleman, Dandenan Jason Kelly y Jorely Tromp.
Agrupacion 9: Grupo di Betico; cansion tipico Faya Bo Haya cantante Tommy Croes. Propio composicion “Yen di Emocion” compositor Gos Oduber, arreglista Grupo di Betico, rtimo tumba, cantante Tommy Croes. cantantenan di Dande, Jessica Ras,Edwin Gomez, Jeffrey Kelly, Roy Lynch, Lionel Croes y Eric Ras. Festival Propio Composicion: Danza, Cansion: “E Anja aki ta Special”, compositor/areglista: Jaderick Croes, cantante Jaderick Croes.
Agrupacion 10: Frenk Croes y su Tipico Pegasaya, cansion tipico tumba “Oportunidad pa Trabao Solicita” compositor Robert Maduro , arreglo di Tico Kelly, cansion tipico “Sopi Yuana” compositor Chinto Croes cantante Ruben Kock ritmo tumba. Tumba di Anja “E Cabrito” compositor John Leoneta, arreglista Jaderick Croes/Danilo Vrolijk cantante Danilo Vrolijk. Cantantenan di dande; Danilo Vrolijk, Luigi Carrion, Angelo Koolman y Jelisse Boekhoudt.
Agrupacion 11: Tico y Su Estrellanan, cansion tipico cu ta un walz compositor/arreglista Ramiro Hernandez. Cansion Propio Composicion Tumba di Anja Nobo “Lanta Riba Ban Celebra” cantante Henry Kock, arreglista Tico Oduber/Ramiro Hernandez. Cantantenan pa Dande; Andy Willems, Chinto Croes, Jonathan Busby y Joselito Wever. Tipico Crioyo ta agrupacion number 12 cu dos dande Julien Schwengle y un cantante mascolino. Tipico W.E.B. ta agrupacion 13 cu dos cantante, Judith Tromp y Jersiray Werleman. Agrupacion 14; Los Nativos cu un dande canta pa Roberto Orman.
Agrupacion 15: Tipico Refleccion cu dos cantante di dande cu ta Frenk Kock y Ronwayne Kock, cansion propio composicion tumba di anja nobo; “Cu Buraco of Sin Buraco” composicion/arreglisa/cantante Ronwayne Kock.
Agrupacion 16; Los Amigos cu un cansion tipico y un dande canta pa Edwin Hernandez.
Tur agrupacion lo competi den festival Tipico, y alavez ta recorda cu e festival ta cuminsa pa 7’or.

ORANJESTAD -Breaking News awe mainta a drenta e informe di ultimo ora cu e conocido productor di “Un dia den Bida’ Poentje Castro a ser asesina. Detayenan y video di e caso aki por mira awor via www.arubasuturismo.com , Nos condolencia na famianan di Poentje Castro.

ORANJESTAD (buvo) Dia 1 di januari 2010 Aruba ta recorda e 25 aniversario di inauguracion di su Status Aparte.
E hecho aki ta un logro grandi pa historia di nos pais y Gobierno lo bay dedica atencion na e conmemoracion.
A institui un comision pa publicacion di un buki conmemorativo “Pais Aruba ta conmemora 25 aña Status Aparte”. A acerca tur departamento gubernamental pa duna un contribucion cu un articulo ya cu tur departamento ta parti di e exito di Aruba.
E buki lo mester reflexiona ariba e organisacion di Pais Aruba, esta e aparato gubernamental dentro di Reino y pa esaki ta desea participacion di tanto departamentonan gubernamental como esnan no-gubernamental.
Cu realisacion di Status Aparte nos a conoce departamentonan nobo manera Banco Central, Inspeccion Tecnico, Departamento di LAR, Oficina di Propiedad Intelectual, Departamento di Relacion Exterior, DIMAS y hopi mas. Otronan a integra manera Finansas, Servicio di Informacion, Enseñansa etc. Otronan a sigui manera antes por ehempel Censo. Cu e desaroyo economico cu Aruba a conoce, hopi departamento mester a amplia nan tareanan tambe.
Riba tereno di organisacionnan no-gubernamental nos conoce UNOCA, CEDE, Comite Olimpico y otronan cu ta duna un aporte na e desaroyo social, cultural y deportivo di Aruba.
E buki lo mester duna un refleho con e departamento gubernamental a cuminsa 25 aña pasa, e logronan principal, maneho di personal y un bista pa futuro.
Un peticion special na ex-empleadonan cu a para na cuna di realisacion di Status Aparte y cu a traha den servicio di Gobierno despues di Status Aparte pa nan tambe duna un aporte di nan experiencia.
E comision di redaccion ta spera di haya sa prome cu 15 di januari 2011 cua ta e departamentonan cu ta bay duna un contribucion. Prome cu 31 di januari mester entrega e titulo di e articulo cu eventualmente potretnan di ilustracion. Tur potret mester ta digital.
Prome cu 15 di februari tur articulo mester ta entrega y ta pidi pa e articulo no ta menos cu 2 A-4. Idioma cu por uza ta sea Papiamento, Ingles of Hulandes.
E exito di e publicacion ta depende di e participacion di e departamentonan gubernamental y tambe di ex-empleadonan.
E comision di redaccion ta consisti di Alice van Romondt, Des Croes, Wim Rutgers y Nilda Koolman. Tur articulo y potret mester ta entrega cerca Nilda Koolman na Servicio Informativo di Gobierno via mail.

Oranjestad, 16 di december 2010

ORANJESTAD-Diadomingo dia 19 di december un publico respeta di hende, a presencia e concierto ‘Brindis di Canto’ den Cas di Cultura cu un bunita programa di canticanan di Pasco.Disfruta via e grabacion di video, un tiki di e trio Hilyann Croes/Tica Giel y Jane Lanooij cu Livio Hermans na piano.

Durante e concierto tabatin presentacion di coro hubenil ‘Briyante!’, coro mixto ‘Den Harmonia’ y algun solista hoben bou direccion di Tica Giel.
Tambe por a scucha un variacion grandi di composicionnan clasico y popular, suave y ritmico for di diferente pais. E audiencia a gosa di canticanan conoci y nobo canta den diferente idioma. Ademas tabatin hopi atencion pa obranan na Papiamento. E acompañamento musical tabata den man di Livio Hermans y Eltienne Yarzagaray.Un Pabien caluroso di www.arubasuturismo.com na tur cu a hasi e concierto posibel.Ya pa medio di esaki ta desea comunidad di Aruba y mundo un Feliz Pasco.

ORANJESTAD – Diasabra18 Decemberr 2010 atardi Aruba a ricibi e promer vuelo di Eden Viaggi for di Milan, Italia. Minister Otmar Oduber tabata presente pa celebra e ocasion aki cu sigur ta contribui na nos turismo. Ta trata aki di un vuelo charter cu lo bin Aruba un biaha pa siman y esaki durante un aña.
E mandatario a indica cu e ta contento di por ricibi e promer vuelo di EdenViaggi na Aruba cu ta interconecta dos paisnan asina lehano, pero cu tin asina hopi cosnan en comun.
A compromete un minimo di 80 stul destina pa Aruba, pero ya caba pa e promer simannan di januari tin riba 120 stul pa vuelo bendi.
E mandatario a mustra tambe cu maneho turistico di Aruba ta enfocando grandemente riba mercado Europeo caminda cu Italia semper tabata un mercado hopi natural pa nos. Den pasado no por a logra haya un vuelo directo, pero definitivamente cu e conversacionnan sosteni, awe Eden Viaggi ta un realidad na Aruba durante un termino di un aña semanalmente, pa cuminsa.
Minister Oduber a anuncia tambe cu tin conversacionnan andando cu e ehecutivonan di Blue Panorama pa prolonga e duracion di e relacion comercial cu nan y asina conta cu presencia di vuelonan for di e parti aki di Europa pa añanan largo.
Danilo Turletto, Product Manager di Eden Viaggi, kende a yega den e vuelo, a duna di conoce cu nan ta hopi contento di bin Aruba y di por promociona y bende nos isla na Italia. Ya caba por bisa cu e demanda pa Aruba ta creciendo rapidamente na Italia, segun Sr. Turletto. El a indica tambe cu e ta kere cu e operacion aki por ta hopi exitoso, cu nan por indentifica e clientenan corecto y bende e isla fabuloso aki, pasobra nan ta kere den e calidad corecto di e servicio y den e clima fantastico y e actitud di nos hendenan.
Durante e aña aki ta spera cu Aruba lo ricibi riba 4000 turista Italiano.

ORANJESTAD;DEN HAAG-Recientemente Minister Otmar Oduber tabatin un reunion sumamente importante y fructifero cu Schiphol Group caminda el a logra cu nos aeropuerto keda 100% di Aruba.
E mandatario a cataloga e reunion aki como uno special mirando cu for di juli a cuminsa cu diferente discusionnan pa loke ta trata e relacion cu Schiphol Group. Na september conhuntamente cu Promer Minister tabatin reunionnan cu a tuma lugar cu e grupo aki tambe y despues di algun luna di hopi bon relacion, diamars atardi a firma un adendum pa loke ta trata e contrato cu tin cu Schiphol Group.
3 punto primordial a bin pa dilanti den e adendum cu ta yena nos pueblo cu orguyo di por sigui conta cu un aeropuerto cu ta 100% di Aruba.
A logra elimina for di e contrato (cu e Gobierno anterior a firma) clausulanan cu tabata permiti pa e grupo di Schiphol por a cumpra te na 49% di accionnan di nos aeropuerto.
Na e momentonan aki tin un total di 4 miembro di Hunta di Comisario siendo cu tin lugar pa 5 y ora Minister Oduber regresa Aruba lo por nombra e di 5, pasobra e clausula cu tabatin den e contrato cu tabata duna Schiphol e oportunidad pa por pone un miembro di nan den e hunta di comisario, tambe a wordo elimina y asina aki aeropuerto ta keda 100% den man di Aruba.
A añadi na e contrato cu lo nombra un di dos director Arubiano. Es decir, awor lo pone un partner strategico, un director statutario banda di e director actual pa di e forma aki den futuro por yega na tin un persona local cu por haya e responsabilidad di nos aeropuerto.
A keda bon describi con e dos directornan lo mester funciona, con e responsabilidadnan ta pa cu otro y con e raportage lo tuma lugar pa cu e hunta di comisario di aeropuerto.
Minister di Turismo, Transporte y Labor ta hopi contento cu e forma con e negociacionnan a bay, el a gradici Schiphol pa e comprension cu tabatin pa por cambia e contrato cu ex-minister di Turismo, Sr. Eddie Briesen, conhuntamente cu Minister President anterior, Sr. Nel Oduber a firma caminda lo por a pasa e cantidad di accionnan pa e grupo aki y pa e grupo tambe nombra un miembro di hunta di comisario.
Minister Oduber a indica cu Schiphol ta keda un partner strategico y ta spera di por keda hopi aña mas cu nan, pero naturalmente e ta di opinion cu e responsabilidad ta keda na Aruba pa percura pa nos aeropuerto contribui na e pilar di nos economia cu ta nos turismo. Den e cuadro aki e mandatario ta expresa cu nos aeropuerto no mester ta un aeropuerto comercial sino uno di servicio. E mester bira un aeropuerto cu ta duna den e promer y ultimo impresion di e turista, e gana pa bin bek y pa propaganda nos isla na e diferente mercadonan.
Mester bisa cu esaki ta un otro logro mas di Minister Otmar Oduber, kende e biaha aki a negocia cu un compania asina importante y a logra elimina clausulanan cu nunca mester tabata den e contract.

ORANJESTAD/AMSTELVEEN-Na Hulanda Minister di Turismo, Transporte y Labor a reuni cu ehecutivonan di KLM cual el a cataloga como uno sumamente fructifero, positivo y hopi habri pa loke ta e futuro di KLM na Aruba.
A ricibi e cifranan pa loke ta trata KLM pa resto di aña, cifranan cu ta demostra cu a logra mantene e crecemento cu a bin ta tumando lugar. KLM a mustra cu nan ta sumamente satifecho pa cu e hecho aki. Cifranan te cu september tabata conoci y awor a mira e cifranan te cu december y esakinan ta sumamente positivo, nan ta core den e mesun trend cu esunnan cu tabata core te cu september cu a relata e promer 7 lunanan di operacion. Aruba ta mira cu tin hopi potencial pa crecemento den e mercado y den cuadro di esaki a elabora riba e di dos punto riba agenda.
Aki a pone riba mesa diferente puntonan strategico pa loke ta e vuelonan na e momentonan aki. A papia di e posibilidad pa KLM adapta e schedule cu nan tin actualmente y por sali mas lat for di Schiphol. Esaki lo duna oportunidad pa por habri otro mercadonan cu ta sumamente importante.
Minister Oduber a splica e representantenan di KLM cu cifranan cu e mercadonan aki cu na e momentonan aki no ta haci conexion debi na e orario cu KLM ta sali y esaki ta significa casi 40% di nos mercado potencial pa Aruba. Minister Oduber ta splica cu tabatin comprension pa e punto aki y a yega na e compromiso cu lo traha riba e parti aki.
A papia tambe riba kico e cambionan cu lo bay tuma lugar otro aña na november lo bay significa pa Aruba, ta trata aki na momento cu Martinair stop cu su vuelonan y lo usa avionnan di KLM pa operacion di pasaheronan. Aki e compromiso a keda pa loke ta trata e cantidad di stul pa Aruba. Adicionalmente a mira con lo por traha hunto pa percura tambe cu e calidad di e producto cu ta ofrece na e momentonan aki ta den mesun liña cu e producto cu KLM ta ofreciendo y bendiendo Aruba na Hulanda y Europa den su totalidad.
Minister Oduber a expresa cu a hiba conversacionnan di un peso importante mirando cu e regreso di KLM a significa pa nos mercadonan cu ta orgina pafor di Amsterdam cifranan cu ta sumamente atractivo pa Aruba y ta mira cu tin hopi potencial pa sigui crece den futuro.
Un otro punto den e reunion tabata otro vuelonan cu lo beneficia tanto Aruba como KLM. Den esaki KLM tabata sumamente habri pa cu e ideanan cu tin, manera entre otro pa Aruba bira un tipo di hub pa cu Merca y Latinoamerica.
A palabra cu na januari lo continua cu e conversacionnan aki lo cual ta mustra e interes cu KLM ta demostra su establecimento na Aruba y con pa 2011 y sigur 2012 ya caba ta cuminsa papia riba e aspectonan strategico aki.
E mandatario a indica igualmente cu por mira cu KLM ta reconoce e trabounan cu a wordo haci pa Aruba durante e ultimo 10 lunanan, manera cu a palabra na december ultimo y desde cu KLM a reinicia su vuelonan. “Di nos banda tambe nos ta aprecia masha hopi e forma habri cu KLM a ricibi nos y cu nos por a hiba e diferente conversacionnan aki cu mi ta sigur cu lo yega na convenionan cu ta beneficia Aruba den e caso aki como tambe KLM y e region di Caribe caminda mi ta kere Aruba por bira sumamente instrumental pa cu e compania KLM”

ORANJESTAD/HAMBURG -Lufthansa passengers traveling on long-haul flights once again can use the Internet. With its partners Panasonic Avionics Corp. and Deutsche Telekom, Lufthansa will be the first airline to offer broadband Internet access on intercontinental routes. The service, which will initially be provided on selected North Atlantic routes, will be available on nearly the entire Lufthansa intercontinental network by the end of 2011.

In-flight Internet access will be available for free on FlyNet-equipped aircraft until Jan. 31. After that, the price for one hour’s online access is 10.95 euros or 3,500 miles, while the 24-hour flat rate is 19.95 euros or 7,000 miles. Under the 24-hour flat rate agreement, passengers can access the Internet on all Lufthansa connecting flights equipped with a hotspot during the period of validity as well as after the flight in Lufthansa lounges.

The fast in-flight Internet service gives passengers with a WLAN-enabled laptop or Smart Phone unlimited online access. Because of the high bandwidth, Lufthansa said emails—including those with large file attachments—can be sent and received without any time delay. Business travelers can also access their company’s Virtual Private Network (VPN).

In the spring, in-flight data communication should also be possible using the mobile phone standards GSM and GPRS. In addition to the wireless Internet (WLAN) service, Lufthansa customers will then be able to use their mobile phones to send and receive SMS text messages and transfer data with phones such as the iPhone or PDAs such as BlackBerry.

Lufthansa first introduced broadband Internet in-flight in January 2003. From May 2004 until the end of 2006, when Lufthansa’s then-partner Connection by Boeing discontinued the service, wireless broadband Internet grew in popularity. The technology also proved very reliable. By the end of 2006, some 69 of Lufthansa’s long-range aircraft were equipped with FlyNet, making the Lufthansa fleet the largest Internet-enabled long-haul fleet in the world, with about 30,000 users per month.