ORANJESTAD – E aña aki lo bira di 17 aña consecutivo cu e accion di limpiesa di Aruba Reef Care Project lo tuma lugar. E weekend di 3 y 4 di Juli venidero lo bai tin un otro accion di limpieza di Aruba Reef Care Project. E aña aki atrobe Neptali Henriquez Park lo wordo usa como nos centro di operacion. E accion di limpieza lo cuminsa 08:30 di mainta y lo termina 12:00 di merdia. Un cantidad grandi di boluntario, un biaha mas, lo yuda haci nos beachnan y lama limpi. Como parti di e programa di consientisacion comision Aruba Reef Care Project ta sigi duna lectura na scolnan basico, secundario, Universidad di Aruba y tambe na hotelnan di Aruba. E aña aki tur e scolnan EPB a ricibi presentacion di Aruba Reef Care Project. Dos alumno di 5de klas di scol basico Conrado Coronel a uso Aruba Reef Care como nan tema pa spreekbeurt. Tambe e 4de klas di Jufr. Vivian Tromp di Scol Basico Washington a ricibi presentacion di Aruba Reef Care Project. Comision ARCP lo continua cu mas presentacion durante e aña escolar nobo. ARCP a yuda varios studiante cu nan proyecto di scol encuanto e tema di cuido di lama, rif y beach. Meta di e lectura ta pa conscientisa e alumno nan ariba e importancia pa cuida y conserva nos bida marino.
Pa clausura nos kier a gradici gerencia y personal di ATA (Aruba Tourism Authority) y tambe Minister di Turismo Sr. Otmar Oduber. Nos a ricibi e grato noticia for di Minister di Turismo Sr. Otmar Oduber cu e Aruba Marine Park ta den un fase bastante avansa. Pa hopi aña caba fundador nan di Aruba Reef Care Project tabata boga pa un Parke Marino. Nos ta contento cu e plan nan ta desaroyando den forma positivo. Nos vision semper tabata pa Aruba tin su propio parke marino. Un structura similar manera esun di e isla di Bonaire. Siman nan atras nos a reuni cu e operadornan di buceo y tambe compania di watersports pa asina asigna un area cu nan lo tuma e responsabilidad pa hacie limpi, sea den awa of ariba tera. Varios grupo cu a inscribi caba, nan ta entre otro: S.E.A Aruba Fly’n Dive, Red Sail Sports, Unique Sports of Aruba, Jads Dive Center, Mermaid Diver, EPI Horeca, , Hyatt Regency Green Team, Indian Community, Aruba Kayak Adventure, JCI Aruba, Iglesia di Hesucristo di e Santonan di e Delaster Dianan, Occidental Grand, Atlantis Submarine, Aruba Bollywood Reef Care, Holiday Inn green team, varios registracion individual. Nos tin mas of menos 400 voluntario inscirbi caba. Pa varios aña diferente patronisador ta duna na contribucion na e accion di limpiesa di Aruba Reef Care Project. Tur aña Mourik N.V. ta yuda cu e baki nan di sushi. Aruba Tourism Authority ta patrocinador cu ta percura pa T-shirt nan, poster, certificado di aprecio di e campanja y tambe otro material pa hasi e accion di limpiesa exitoso. Stichting Neptali Henriquez Park, Garage Centraal, Setar N.V. Mourik Aruba N.V., Oduber Agency NV, Total Services, Cervez Balashi y hotelnan miembro di AHATA cu ta contribui cu lunchbox y refresco. Si ainda bo ta desea di participa of mester di mas informacion, por fabor tuma contacto cu Aruba Tourism Authority na tel. 582-3777, of tambe via e-mail reefcare@aruba.com of ata.aruba@aruba.com y c.perez@aruba.com

ORANJESTAD – Recientemente un lectura di Aruba Reef Care Project a wordo presenta na staff y personal di Holiday Inn Beach Resort. E lectura tabata pa concientisanan ariba e importancia pa tene nos beachnan di santo blanco, rif y nos isla en general limpi. Durante e discurso aki a toca diferente aspectonan cu por tin un mal influencia riba nos medio ambiente. Pa menciona algun, a wordo papia tocante e vision y e motibonan principal pakiko a cuminsa cu e proyecto aki, kiko ta bida marino y e importancia cu e tin riba nos isla. Tambe a papia tocante e economia y con esaki por tin efecto ariba nos bida marino, kiko por wordo haci pa yuda proteha nos beach y reef nan limpi y tambe ki beneficio nan e lo tin pa Aruba. Na final di e presentacion e staf di Holiday Inn por a hasi nan pregunta na Sr. Castro Perez. Tambe a parti diferente articulonan di Aruba Reef Care Project. Tabata presente na e occasion aki Sr. Castro Perez, organisador principal di Aruba Reef Care Project, Srta. Christine Leo, Project Coordinator, Sra. Lila Fernandez, Training Manager y tambe staff y personal di Holiday Inn Aruba Beach Club.

ORANJESTAD – Diabierna atardi, Minister di Turismo, Transporte y Labor, Otmar Oduber a organiza un recepcion pa honra e trahadornan publico cu a baha cu pension y a cumpli entre 25 cu 40 aña di servicio.
Mester bisa cu e atardi aki na di dos piso di Centro Hadicurari tabata uno hopi ameno caminda tur e trahadornan y nan famia a sinti nan mes valora pa e trabou cu nan a bin ta haciendo na servicio di comunidad pa asina tanto aña.
Minister Oduber a indica cu un parti integral di su maneho ta pa pone atencion riba e parti humano di e hendenan cu ta yuda den e proceso di ehecuta maneho di Gobierno. Asina el a tuma e decision pa invita tur esnan cu for di 1 di november 2009 te cu fin di juni 2010 ta celebra entre 25 cu 40 aña den servicio di Gobierno y cu a baha cu pension, y dunanan un reconocemento pa nan labor cu nan a bin ta haciendo of a haci den Gobierno.
Intencion ta pa cada 6 luna duna reconocemento na empleadonan cu sea ta cumpli aniversario den Gobierno of a baha cu pension.
Milva Evertsz, empleado publico laborando na Directie Luchtvaart tabata un di esnan cu a wordo honra diabierna atardi dor di Minister Otmar Oduber, den cuadro di su servicio na comunidad durante 30 aña largo.
El a bisa cu durante 30 aña a conoce varios minister y awor cu Minister Otmar Oduber e ta masha contento cu e atencion cu e ta dunando e trahadornan. “E tabata haci falta”
Genoveva Koolman, kende recientemente a baha cu pension y cu a wordo honra tambe diabierna atardi dor di Minister Oduber. “E reconocemento aki a cay manera un sorpresa, pasobra nunca nan a elogia mi trabou. Mi ta hopi contento cu nan ta aprecia mi trabou pa promer biaha den 32 aña”.
Lilian Angela-Croes, empleado na Departamento di Labor y celebrando 25 aña di servicio a bisa cu e ta aprecia masha hopi loke Minister Otmar Oduber a haci pa e empleadonan publico, cu nunca el a spera algo asina.
Lucio Thijzen a briya e atardi ey mirando cu e tabata esun cu a celebra 40 aña den servicio di Gobierno y ainda e ta sigui traha, mustrando un determinacion grandi. E tambe a indica cu den 40 aña di servicio esaki ta e promer biaha cu el a wordo reconoci y e ta apreci’e masha hopi mes.
Mester bisa cu tur esnan presente tabatin e mesun comentarionan di gradicimento, nan tabata sinti nan mes valora pa promer biaha den tanto aña di servicio y tur tabatin comentarionan positivo den direccion di Minister Otmar Oduber.

ORANJESTAD – A base regular Aruba Hospitality and Security Foundation, un fundacion cu ta representa e sector hotelero y den cual ta atende asuntonan di seguridad a sinta na mesa cu nan miembronan y cu Cuerpo Policial. Meta di e reunion tabata pa comparti informacion encuanto incidentenan cu ta tuma lugar na cada hotel. Asina e hotelnan mes por educa nan mes di experiencia di otronan y asina mira cua tactica ta funciona y cua no ta yuda combati criminalidad den area turistico.Di e forma aki e hotelnan ta comparti nan experiencia den uso di camara di seguridad y aki por conseha otro riba cual tipo a duna bon resultado y di cua marca. Tambe hotelnan ta comparti experiencia di con cada un ta atende cu prevencion di crimen y con nan ta maneha cada incidente.

Sr. Roland Peterson, como ex-Comisario di Polis pero tambe como miembro di directiva di AHSF a presidi e reunion hunto cu Sr. Dario Soemers di AHSF y Sr. Gino Winklaar, como Inspector di Polis encarga cu e maneho diario di Strand Politie. Di parti e miembronan tabata presente e director di seguridad di Holiday Inn Resort, Westin Resort, Renaissance Resort, Radisson Resort, Casa del Mar, Manchebo Beach, Aruba Beach Club, La Cabana Hotel, Paradise Beach Villas, Occidental Resort, Vision Security y tambe representantenan di Wine and Dine.

Un punto cu a hala atencion ta cu den e area di hotelnan considera como High-Rise, tur ta confrontando problema cu bendedornan di servicio di Watersport, Time Share (OPC) y otro formanan di negoshi cu ta rekeri bende servicio na turistanan. E forma aki di bende servicio na varios ocasion a percura pa basta confrontacion den presencia di turistanan. Tambe e benta di droga ta un fenomeno cu poco poco ta lantando cabes den e area importante aki pa nos turismo. Otro reto cu hotelnan ta confrontando ta e fenomeno di turistanan cu ta purba demanda hotelnan, den forma di denuncianan falso di perdida of robo di nan pertenencianan di balor. E hotelnan a comparti nan experiencia con nan ta gara turistanan cu ta purba saca miles di dollars for di e hotel of for di nan seguro di viaje na Merca. E ta un practica masha comun awendia y cu mester atencion pasobra e ta influencia cifranan oficial di robo ficticiamente. Mester ta cla pa tur hende cu e practica aki ta castigabel na Aruba, esta e fenomeno di haci denuncia falso. Hopi turista tin bez ta prefera di no haci denuncia oficial na polis, sino ta purba regla cu e hotel mes pa ricibi daño y perhuicio.

Un reto cu e hotelnan ta confrontando awor ta e mudamento di e centro di entretenimiento di nos isla pa e area di High Risenan. Cada bez mas café, mas bar y mas clubnan nocturno ta percura pa mas movecion y na mes momento un aumento den accidente y incidentenan den e area. Habrimento di Señor Frogs awor sin duda lo aumenta e cantidad di hobennan den e area. E hotelnan ta teme pa molester di sonido pa e turistanan drumi den nan camber. Tur esaki sin lubida e cantidad di peleanan rond di e sitionan nocturno den e area.

Strandpolitie a pidi mas cooperacion di e teamnan di seguridad di cada hotel pa por duna un man den mantencion di ordo den henter e area. A pidi hotelnan pa train nan personal mihor con pa atende cu incidentenan simpel nan mes, pasobra Polisnan lo kier tin mas tempo pa ataca e problemanan mas grave. Lamentablemente hopi bez Polisnan ta wordo interumpi cada bez pa por atende cu kehonan chikito, strobando nan di dedica mas atencion na casonan mas complica.

Union ta hasi forsa y Strandpolitie ta cla pa colabora cu e hotelnan y dor di e tipo di encuentronan asina tur hende ta comparti nan preocupacionnan pa por ta riba e mesun liña. Asina so hunto sector priva y sector publico por uni forza y mantene ordo riba nos corridor turistico.

Inspector Gino Winklaar a duna un presentacion di e reorganisacion tumando lugar na Strandpolitie y den e proyecto di Visibility Team. E ta cumpliendo net 1 aña como e persona encarga cu Strandpolitie y ya caba a percura pa un cantidad di cambionan positivo. El a sigura cu tin mucho mas cambionan na caminda cu sin duda lo mehora e servicio y presencia di Polis den e area.

Strandpolitie ta existi caba pa 25 aña y ta dedica na mantencion di orden publico riba e area turistico, tanto low rise como high rise. Tin 15 polis trahando eynan cu ta brinda servicio di patruyahe, atende accidentenan di trafico y tuma kehonan di recherche. Nan ta situa temporalmente na e warda di polis bieuw di Noord y ta conta cu sosten di Visibility Team den cual tin 5 miembro di CEA di Gobierno (1 di nan Polis Extra Ordinario) y 8 miembro di seguridad di Vision Security y Rhodana Security. Hunto nan tin plannan grandi pa por combati criminalidad y percura pa e cifranan di incidentenan den e area turistico sigui baha, claro cu cooperacion di cada un di e departamentonan di seguridad di tur e hotelnan miembro di AHSF.

ORANJESTAD -29 di juni, ta Dia Internacional di Piscado, segun declara pa Nacionnan Uni (UN) su Food and Agriculture Organisation (FAO) riba dia di San Pedro, santo patrono di piscado. Un palabra di pabien ta bai na tur piscado.
E dia aki a keda institui pa enfoca atencion riba e trabou di piscador, su nificacion pa nutricion di hende y e retonan cu piscadonan ta enfrenta. E dia ta pa sirbi como refleho pero tambe celebra e ofishi di piscado.
Piscamento ta parti integral di e cultura di Aruba. For di e temponan prehistorico, e indiannan cu tabata biba na Aruba tabata depende di lama. Na excavacionnan arkeologico a haya restonan di calco y varios especie di pisca y turtuga, indicando cu e prome habitantenan di nos isla tabata piscado. E tradicion di piscadornan ta uno ancra den barionan di piscador manera Noord, Rancho, Savaneta, etc.
E ofishi di piscamento ta forma un caracter fuerte pa cual piscadornan ta conoci. E no por otro tampoco. Un piscado ta un trahador balente y tenas. E ta lanta tempran y enfrenta e elementonan. Di e awa friu prome cu e subi su boto pa bai pisca, te na bringa olanan cu ta bati bo den e boto den un zoyamento constante riba lama. Pa despues e solo, salo y biento, kima bo cuero sin misericordia. E simpel resplendor di solo riba awa ta forsa wowo di hende y riba dje e solitud di lama, sinta tur muha tin ora, mientras ta warda pisca morde na liña.
Asta ora bo gara pisca na liña, un piscado su ofishi ta, bringa cu e pisca. Un lucha cu ta haci piscamento un ofishi, of pa otronan un hopi, cu ta hiba su risico, gasto y desgaste cune. Pero tur piscado cu bo puntra, ta pisca pasobra piscamento ta den nan ader y venanan. Nan ta pisca cu pasion. E poco florin cu nan logra gana for di e benta di pisca despues di desconta e prijs haltisimo di gasolin ta mas bien simbolico.
Pesei, ora un piscado bende bo pisca, corda riba tur loke e ta pasa aden pa logra trece e pisca tera pa bo por cumpre y pagele gustosamente. Duna piscadonan e aprecio y reconocimento cu nan merece. Ban stimula interes di hobennan den e tradicion di piscamento.
Diadomingo awor 27 di juni, Centro di Pesca Hadicurari, conhuntamente cu Departamento di Agricultura, Cria y Pesca, y representantenan di e asociacion Union di Piscadonan Arubano, lo ta organisando pa di 16 biaha e celebracion di dia piscado na Hadicurari. Lo tin torneo di pesca combina cu dia di famia, festival di cuminda di lama y fiesta popular, unda grandi y chikito por pasa un rato ameno. Lo reconoce varios piscado pa nan aporte riba e dia aki. Publico ta invita pa bin di 11’or te 7’or di anochi pa presencia e evento aki. For di 6’or di atardi Minister Otmar Oduber, encarga cu e departamento concerni, lo ta entregando premio na e ganadonan. Pa mas informacion por acudi na e centro of yama 586-6610.

ORANJESTAD- Ta un tradición caba cu tur anja e organisadornan di Aruba Reef Care Project ta hasi entrega di e promer Poster, T-Shirt y Certificado di Aprecio na e Minister di Turismo Sr. Otmar Oduber. Aruba Reef Care Project ta un organización cu su objetivo principal ta conscientisa publico ariba e importancia di cuida y proteha e bida marina. Nos ta hasi énfasis na cuida nos bonita beachnan di santo blanco, lama y rifnan rond di Aruba. Na e ocasión aki tabata presente Minister di Turismo Sr. Otmar Oduber, Sr. Castro Perez, organizador principal y Srta. Christine Leo, Project Coordinator y stagaire di EPI Hospitalidad y Turismo. Minister Oduber a expresa su palabra di apoyo y motivación na e organización di Aruba Reef Care Project.

ORANJESTAD/SANTO DOMINGO -Instituto Pedagogico Arubano (IPA) y su Centro di Investigacion y Desaroyo di Enseñansa (CIDE) a participa den e siman di 6 pa 12 di juni na e conferencia anual di ACURIL cu a tuma luga na Republica Dominicana. Un delegacion di 12 participante di Aruba di diferente biblioteca y institucion di investigacion local a biaha pa Republica Dominicana pa comparti conocemento y saca cara di Aruba na e conferencia prestigioso aki den Caribe.

Instituto Pedagogico Arubano a manda su profesional di informacion, sra. Ingrid Gietel di Biblioteca di IPA. Tambe a participa dos specialista riba tereno di idioma y investigacion di IPA, cualnan ta drs. Mirto Laclé (linguista y literato) y drs. Merlynne Williams (Centro di Investigacion y Desaroyo di Enseñansa). Drs. Mirto Laclé a presenta su estudio haci riba diferente tereno di Papiamento den e charla titula “El Papiamento, la lengua criolla de Aruba, Bonaire y Curazao; investigaciones basadas en evidencias”.
E hoben linguista y investigado, drs. Merlynne Williams, a presenta un obra academico skirbi den cooperacion cu dos colega di e Centro di Investigacion y Desaroyo di Enseñansa (CIDE) di IPA, esta drs. Régine Croes y drs. Gregory Richardson. E articulo “Towards an evidence based Caribbean community of knowledge: how the Aruban multilingual model may provide a solution” ta trata multilingualismo den comunidad y enseñansa y e importancia di documentacion y publicacion di conocemento tocante region Caribense den diferente idioma. E topico a hala hopi atencion na e conferencia di ACURIL durante e presentacion plenario di drs. Williams y como muestra di e calidad di e trabou aki el a gana e “ACURILEAN STAR 2010” pa excelencia den investigacion.

Cu e premio aki IPA ta demostra cu na Aruba nos tin talento riba tereno di investigacion y cu CIDE ta haciendo un bon trabou aportando na investigacion local y regional riba tereno di enseñansa, idioma y comunidad. Un danki ta bay na FDA pa por a haci e participacion na e conferencia aki posibel, como tambe na Biblioteca Nacional di Aruba cu a acerca IPA pa por participa y por ultimo na e comunidad completo di IPA pa su confiansa y sosten pa cu e team di CIDE.

ORANJESTAD – Antoinette Van den Berg has been named Director of Sales and Marketing of the Aruba Marriott Resort and Stellaris Casino. A member of the Aruba Marriott team since 2005, Van den Berg brings luxury experience, deep familiarization with Marriott and great enthusiasm to her new position.

As Director of Sales and Marketing of the Aruba Marriott and a member of the resort’s executive team, Van den Berg will oversee and implement all ECommerce, marketing and public relations initiatives, as well as transient and group sales. Van den Berg is dedicated to maintaining the resort’s reputation for high service standards.

“I’m ready and eager to enter this new chapter of my career,” said Van den Berg. “Aruba Marriott is a highly respected and outstanding Caribbean resort. I’m honored to fill this position and dedicated to helping deliver the best vacation experiences possible for our guests.”

Van den Berg was most recently Director of Sales for the Aruba Marriott, having joined the team in 2005 as a Senior Sales Manager. Prior to that, Van den Berg held various positions in Aruba’s hospitality industry including Assistant Restaurant Manager for The Mill Restaurant, Latin America Groups and Transient Sales Manager for the Aruba Sonesta Resort and Senior Manager of International Sales for De Palm Tours in Aruba. Van den Berg began her career in the hospitality industry as the Sales Manager for the Hyatt Regency Aruba Resort & Casino.

“Van den Berg’s immeasurable experience and expertise working with high-end, service-oriented properties make her the perfect complement to the team at the Aruba Marriott Resort,” says Kevin Schwab, Vice President and Managing Director for the Aruba Marriott.

ORANJESTAD/FLORIDA -I found a camera and Ikelite waterproof housing washed ashore in Key West, FL. Pictures dated from November, 2009 indicate it floated all the way from Aruba over a period of 6 months. Two months in to the journey, this sea turtle came across it and probably tried to eat it, turning the camera on and recording himself. The owner has been located in Aruba and confirmed he lost it while diving off Aruba on November 11, 2009. The last thing the owner did was take a video, so the camera was in video mode. This incident with the turtle ocurred on January 15, 2010. The camera washed ashore in Key West on May 16, 2010 covered in growth.

Based on time, I estimate this video to have occurred in the vicinity of Honduras. As far as we know, and having confirmed the date of loss from the owner, this video was made with absolutely no human assistance.

The camera is a Nikon Coolpix L18. The waterproof housing is an Ikelite.

Battery Life – The camera was powered by 2 AA batteries. When the owner lost the camera, it was either turned off, or the camera went in to battery saver mode and turned itself off. The camera stayed off until the turtle happened upon it 2 months later. Makes sense. The batteries would still be good, as apparently they were. Otherwise, this video would not exist.

This is not the best video in the world, but what do you want from a turtle? This shortened video ends at the point the turtle and the camera separated. The video ran for another 15 minutes, looking straight up at the sky with water washing over it. The full 20 min video ends, I assume, because the batteries died. There was still room on the card.

Special thanks to the good people of Scubaboard.com, Cruisecritic.com, and Aruba.com for helping me identify the owner. I could not have done it without their help.

The camera has been sent back to the owner in Aruba.

Anyone interested in reading the case as it was solved, read here. This thread explains how we found the camera to be from Aruba and how we found the owner.
Visit Youtube.com to watch the video : http://www.youtube.com/watch?v=E43sg-Ytt58

ORANJESTAD/WILLEMSTAD – Delegacion di Aruba y di Antias presente na e ultimo Ministeriele Samenwerkignsraad organiza door di Antias, a probecha pa discuti un tema cu ultimo lunanan ta den continuo discusión, esta e suma cu ta wordo cobra na airport tax entre e islanan Antiano.
Segun Prome Minister Mike Eman den e conferencia di prensa na final di e MSR a señala cu na diferente ocasión nan a haya bishita di Minister Elvis Tjie A Sjoe for di tempo cu Eman tabata den opocision ainda.
A yega na un acuerdo cu ta bay haci un esfuerso grandi pa reduci e airport tax pa e pasaheronan cu ta biaha entre e islanan. Un grupo di trabou a ser institui pa traha riba un reduccion substancial pa haci e trafico entre e islanan mas facil. Hopi biaha e prijs halto ta un obstaculo pa e biahamento. Inclusive durante un reciente bishita di su persona pa Corsow caminda cu el a combersa cu studiantenan Arubiano na UNA y Arubianonan residencia na e isla, nan a keha di e peso causa door di e airport tax.
Pero e mandatario a bisa si cu tin e preocupacion pa nan no baha e airport tax pa algun pais y cual lo nifica un perdida di entrada pa aeropuerto, y e ora e aerolineanan ta subi e prijs. E intencion ta pa pasaheronan haci uso di e incentivo aki pa trafico di personanan den Reino.
Pa loke ta traficacion y establecimento di personanan di otro partinan di Reino, Minister Sevinger a presenta un proposicion, cual toch no tabata na completo agrado di Antias. Nan ta haya cu e mester bira mescosc cu esun di Corsow caminda un Arubiano por inscribi y cuminsa traha e siguiente dia. Aruba a baha e drempelnan, pero ainda e no ta mesun flexibel cu esun di Corsow. A priminti cu lo bay traha pa mira con por adapte mas y den algun siman lo informa Antias con leu a yega.