Aruba su Turismo » Huesped Distingui

Julie Rice di Cottage Grove Minnesota honra na Paradise Beach Villas

admin — Fri, 09 Jul 2010 21:55:35 +0000

ORANJESTAD -Recientemente Julie Rice di Minnesota, USA a ser honra na Paradise Beach Villas door di Aruba Tourism Authority como Bishitante Distingui pa e hecho di ta bishitando nos isla pa mas di 11 anja consecutivo. Ms. Rice a ser honra pa Aruba Tourism Authority den representacion di Sr. Francis Jacobs, Relacionista Publico di ATA conhuntamente cu Bianca Ali, Members Relations Manager y Silvia Añez, Waiter di dicho resort. Sr. Jacobs a jama e personan aki bon bini un biaha mas akin a Arubai un bon bini oficialmente den nomber di Gobierno di Aruba, den e famia Arubano. Segun Julie Rice e motibonan cu e ta bishitando Aruba asina tanto anja ta: Nos clima, nos santo blanco, nos lama, nos hendenan y Aruba ta dushi pa bishita. Pabien na Julie Rice y deseando e hopi anja mas bishitando su dushi isla Aruba.

Aruba Tourism Authority a honra Mathew y Linda Gros di New Jersey na Aruba Phoenix Beach Resort

admin — Fri, 09 Jul 2010 11:22:23 +0000

ORANJESTAD – Recientemente Aruba Tourism Authority a honra Sr. y Sra. Mathew y Linda Gros di New Jersey na Aruba Divi Phoenix Beach Resort como Embahador di Bon Boluntad di Aruba pa e motibo di ta bishitando no isla pa mas di 20 anja consecutivo. E promer anja cu Sr. y Sra. Gros a bin Aruba tabata exactamente na anja 1990 y desde e dia aki nan a enamora di nos isla. Aruba Tourism Authority den presencia di Francis Jacobs, Relacionista Publico a honra e pareha na dicho resort den presencia di Shakira Lewis y Ariel Culley, Activities Coordinators. Presente na e acto official y celebracion tambe tabata hunto cu e pareha famia y amigonan: James Torres, Steve Kotik, Sam Phillips, Kavin Dooley, Amy Dowers y Laura Gangwrap.Sr. Jacobs a haci e acto oficial de nomber di Gobierno di Aruba y alavez a gradicinan pa e lealtad demostra pa 20 anja biniendo Aruba. Na mes momento e pareha a declara na Sr. Jacobs cu e motibonan mas principal di nan lealtad na Aruba asina tanto anja ta: nos clima perfecto, nos beachnan y nos hendenan. Sr. y Sra. Gros tabata sumamente content durante e ceremonia y e celebracion bon coordina porcierto pa gerencia di Aruba Divi Phoenix Beach Resort.

Monica Liliana Albisu di Argentina honra na Costa Linda Beach Resort

admin — Wed, 16 Jun 2010 08:33:48 +0000

ORANJESTAD – Recientemente Sra. Monica Liliana Albisu di Nevquen Argentina a wordo honra na Costa Linda Beach Resort como Embahadora di Bon Boluntad. E motibo pa kiko Sra. Albisu a wordo honra ta pasobra e ta bishitando Aruba pa 20 anja consecutivo. Aruba Tourism Authority den presencia di Francis Jacobs, Relacionista Publico a honra Sra. Albisu na dicho resort den presencia di Miriam Rodriguez, Member Relations Manager, Gloria Janga, Assistant Member Relations Manager y Andres Caballero, Gym Instructor. Sra. Albisu tabata den compania di: Sra. Juana Helena Cutini Albisu (su querida Mama), Sylvia Noemi Alisu Gutierrez (ruman muher), Julian Samuel Serruya (jui homber), Monica Paola Volante (Amiga) y Mariano manrique (Amigo). Aparte cu Sra. Albisu ta abogado di prefesion e ta musico y pintora masha famoso na su pais. Probechando di su vacacion aki na Aruba cu su famia y amigonan Sra. Albisu lo expone pa prome biaha un exposicion di su artenan na Costa Linda mes Diaranson 16 di Juni, 2010 den lobby di dicho rerort. Adhunto por aprecia un flyer di e exposicion aki, un potret di un di su pinturanan y alavez un articolo cu a ser publica den e corant di su pais “Espectaculos”.Ta trata aki di un exposicion titular “Una Vida en Obra” cu a tuma lugar e anja aki na luna di Maart na su pais natal. Sr. Jacobs a haci e acto oficial de nomber di Gobierno di Aruba y alavez a gradici Sra. Albisu pa e lealtad demostra pa 20 anja biniendo Aruba. Segun Sra. Albisu, e motibonan cu e ta biniendo asina tanto anja Aruba ta: nos Turismo, veriedad di deporte na Aruba, tin hopi interes cultural, Aruba ta ideal pa e por trece su famia y amigonan y e ta stima Aruba. Masha pabien na Sra. Monica Liliana Albisu.

Parehanan Keith y Rachel Ingham honra na Divi Aruba All inclusive

admin — Mon, 14 Jun 2010 01:58:55 +0000

ORANJESTAD – Recientemente E parehanan Keith y Rachel Ingham di Shrewsbury, Massachusetts a ser honra na Divi All Inclusive door di Aruba Tourism Authority como Bishitantenan Distingui pa e hecho di ta bishitando nos isla pa 10 anja consecutivo. E parehanan aki a ser honra pa Aruba Tourism Authority den representacion di Sr. Francis Jacobs, Relacionista Publico di ATA conhuntamente cu Carissa Holsman, Front Office Clerk, Liliana, Concierge, Caroline, Activities Coordinator y Arthur Swason y Angela Lyford cu ta amigo y conocir di e pareha. Sr. Jacobs a jama e perehanan aki un bon bini oficialmente den nomber di Gobierno di Aruba y den e famia Arubiano. Alaves Sr. Jacobs a pidi e peraha pa awor padilanti como bishitantenan honra pa tuma y considera Aruba manera nan propio cas leeuw di nan mes un cas. Segun e pareha e motibonan cu nan ta bishitando Aruba asina tanto anja ta: nan ta stima nos hendenan Arubiano, nan ta sintinan mes hopi sigur, tremendo clima y hopy actividad nan Aruba cu nan por goza. E acto official a tuma lugar na dicho resort durante un celebracion cu champagne. Pabien na Sr. y Sra. Ingham

Aruba Tourism Authority a nombra Embahador di Bon Boluntad y Bishitante Distingui na Divi Phoenix

admin — Mon, 07 Jun 2010 08:58:23 +0000

ORANJESTAD — Na Divi Phoenix recientemente Aruba Tourism Authority a honra un grupo di bishitante como Embahador di Bon Boluntad y tambe Bishitante Distingui. Como Embahador di Bon Boluntad a ser nombra Sr. Kelly Goodwin cu ta procedente di Maine, U.S.A. y Sr. Goodwin ta bishita Aruba pa 20 anja consecutivo. Sr. Goodwin a laga sa cu Aruba tin e hende nan mas cariñoso, bon clima, excelente restaurant y e mihor lugar pa relaha. Tambe na e mesun ocasión a nombra e pareha Sr. Kenneth y Sra. Beverly Johnson y tambe nan jiu muher Erika Johnson como Bishitante Distingui, nan tin casi 14 aña consecutivo ta bishita nos isla. E familia Johnson ta procedente di Vermont. Nan a expresa cu nan ta gusta Aruba pa un vacacion relax, Aruba ta nan segundo cas, un lugar masha bonita, e dushi clima y lama cristalino. Por ultimo e pareha Sr.Jack y Sra. Natalie Thompson di New Hampshire a cumpli 10 aña consecutivo ta bishita nos isla. Nan ta gusta e solo, lama, bon restaurant, hende y paisahe di Aruba. Na e occasion special aki Sr. Castro Perez, representante di ATA a duna un discurso y a mustra ariba importancia di nan bishita repiti na Aruba y alavez gradici e bishitantenan pa nan lealtad y aprecio demostra na nos isla, esaki tabata den presencia di staff di Aruba Phoenix Beach Resort.

Aruba Tourism Authority a nombra Bishitantenan Distingui na Occidental Grand Aruba

admin — Sat, 05 Jun 2010 09:18:00 +0000

ORANJESTAD – Recientemente ATA a nombra dos pareha como Bishitante Distingui di Aruba. E pareha Sr. Erise y Sra. Aleta Scales ta procedente di Michigan y nan tin 12 aña consecutivo ta bishita nos isla Aruba. Nan promer bishita na Aruba tabata na aña 1998. E pareha a comenta riba nan motibonan principal pa bishita nos isla, cu ta e hendenan amabel, nan ta disfruta di e beachnan di santo blanco, e clima perfecto, dushi biento, e ambiente, e tremendo staf di Occidental Grand cu semper ta laganan sinti cu nan ta na cas. E otro pareha cu a wordo reconoci e mainta ey tabata Sr. Robert y Sra. Sandra Peppers tambe ser nombra como Bishitante Distingui di Aruba pa motibo cu nan tin mas di 15 aña consecutivo ta bishita nos isla. E pareha aki tambe ta procedente di Michigan y ta bon amigo cu e pareha Sr. y Sra Scales. Nan ta expresa cu nan rason principal pa bishita Aruba ta nos hendenan cariñoso, e bunita clima, solo, e dushi biento, e cuminda tremendo na nos restaurantnan y alavez e staf y personal di Occidental Grand Aruba. Na e occasion special aki Sr. Castro Perez, representante di ATA a duna un bunita discurso pa gradici e bishitantenan pa nan lealtad y aprecio demostra na nos isla. Esaki tabata presencia di e varios miembro di personal di Occidental Grand Aruba. E bishitante nan a ricibi un bunita bouquet di flor y un regalo como muestra di aprecio. Tabata presente na e occasion aki e siguiente miembronan di staff di Occidental Grand Resort. Nan ta Sra. Lorena Labrador, Rooms Division Manager, Sra. Sandra Steba, Guest Services Manager y Sra. Solange Croes, Vacation Club Concierge.

Sr. Albert Quattrochi y Sra. June E. Fulton a ser honra como Bishitante Distingui na Caribbean Palm Village

admin — Fri, 28 May 2010 11:40:47 +0000

ORANJESTAD – Recientemente Aruba Tourism Authority den presencia di Francis Jacobs, Relacionista Publico a honra Sr. Albert Quattrochi di Rindge, New Hampshire y Sra. June Fulton di South Weymouth, Massachusetts como Bishitante Distingui ja cu nan ta bishitando Aruba pa mas di 10 anja consecutivo. Pa ta exacto Sr. Quattrochi ta biniendo 16 anja consecutivo y Sra. Fulton 15 anja consectivo. Segun Sr. Quattrochi e la conose Sra. June 15 anja pasa na Caribbean Palm Village y di e tempo ey nan tin contacto cu otro. Sr. Jacobs a haci e acto oficial de nomber di Gobierno di Aruba y alavez a gradicinan pa e lealtad y amor demostra asina tanto anja di ta biniendo Aruba y na nos comunidad. Na mes momento. Segun e bishitantenan cu e motibonan mas principal di nan lealtad na Aruba asina tanto anja ta: Pa haci compras, relaja, water sports, cuminda,nos hendenan amabel, y nos clima. ATA y Francis Jacobs kier a felicita e bishitantenan, mas ainda bishitantenan cu a demostra fieldad y lealtad asina hopi anja na nos pais y nos hendenan. Pabien, hopi pabien!

Aruba Tourism Authority a nombra Embajador di Bon Boluntad y Bishitante Distingui na Playa Linda Beach Resort

admin — Thu, 27 May 2010 06:44:25 +0000

ORANJESTAD — Na Playa Linda Beach Resort recientemente Aruba Tourism Authority a nombra un grupo di turista como Embahador di Bon Boluntad y Bishitante Distingui. E siguiente bishitante nan a wordo reconoci como Embahador di Bon Boluntad y nan ta: E promer pareha cu tin mas hopi aña ta bishita nos isla ta: Sr. Joseph y Sra. Doris Allen cu ta procedente di Massachusetts y nan a cumpli 25 aña consecutivo ta bishita nos isla. E pareha Sr. Carl y Sra. Linda Castaldo for di New Jersey a hasi 23 aña consecutivo cu nan ta bishita Aruba. Despues ta sigui Sra. Jeanne Lavey di Massacusets cu tin 22 aña consecutivo ta bishita nos isla. Tambe e pareha for di New Jersey cu ta Sr. Henry y Sra. Toby Schafer tin 21 aña consecutivo ta bishita nos isla. Finalmente e ultimo pareha Embahador di Bon Boluntad tabata Sr. Edmund y Sra. Suzanne Spadaccino cu ta prodecente di Pennsylvania.Tur e bishitante a keda masha contento cu nan reconocimento di a wordo nombra Embahador di Bon Boluntad y nan a expresa cu e rasonnan principal pa bishita nos isla ta: Pa Aruba su hende nan cariñoso, e bonita beachnan, e dushi clima, seguridad y e staff di Playa Linda Beach Resort. E siguiente bishitante nan a ser nombra Bishitante Distingui pa motibo cu tin mas di 10 aña consecutivo ta bishita nos isla. Nan ta e siguiente pareha Sr.Joseph y Sra. Stacey Dragon for di Pennsylvania y tambe Sr. Robert y Sra. Donna Conklin tambe di Pennsylvania. Ambos pareha a comenta cu nan motibo nan principal pa bishita Aruba ta pa e dushi clima, e isla ta limpi y bonita, bon reputación, seguridad y amistad cu nan ta hasi durante nan vacacion. Na e ocasion special aki Sr.Castro Perez, representante di ATA a duna un discurso pa gradici e bishitantenan pa nan lealtad y aprecio demostra na nos isla, esaki tabata presencia di concierge di Playa Linda Beach Resort.

Sr. Cornelius y Sra. Rosemarie nombra Embahador di Bon Boluntad na Marriott Ocean Club

admin — Thu, 13 May 2010 08:28:59 +0000

ORANJESTAD – Aruba Tourism Authority recientemente a honra Sr. Cornelius y Sra. Rosemarie Burke como Embahador di Bon Boluntad na Marriott Ocean Club. E pareha Burke a ricibi e reconocimento pa motibo cu nan tin mas cu 25 aña consecutivo ta bishita nos isla. E pareha Burke ta procedente di New Jersey y nan a keda masha contento di a ser honra pa gobierno di Aruba. Nan a relata cu nan promer bishita na Aruba tabata na aña 1985. Ademas nan a expresa cu e rason principal pa bishita Aruba ta pa e hende nan cariñoso di Aruba, e accomodacion na Marriott, e dushi clima cu semper ta garantisa, e beachnan bonita y e excelente restaurant nan. Sr. Castro Perez, representante di ATA tabata presente pa duna un discurso y gradici e pareha pa nan lealtad y aprecio demostra na nos isla, esaki tabata den presencia di gerencia di Marriott Ocean Club.

Sr. Bob y Sra. Denise Favreau a ser nombra como Embahador di Bon Boluntad na Holiday Inn Sunspree Beach Resort & Casino

admin — Thu, 13 May 2010 08:23:04 +0000

ORANJESTAD – Na Holiday Inn Sunspree recientemente Aruba Tourism Authority tabata tin e ocasión special pa honra Sr. Bob y Sra. Denise Favreau como Embahador di Bon Boluntad. E pareha Favreau a bishita Aruba pa promer biaha na aña 1987. Nan a sigi bishita nos isla pa 23 anja consecutivo y mayoría biaha nan a hospeda na Holiday Inn Sunspree. Sr. Bob y Sra. Denise Favreau ta procedente di Massachusets, U.S.A. E pareha Favreau a expresa cu e motivación principal pa bishita nos isla ta pa e hende cariñoso, clima perfecto, e variedad di restaurant, hasi compras y casino. Sr. Castro Perez, representante di ATA a duna un discurso pa gradici e pareha Favreau pa nan lealtad y aprecio demostra na nos isla y esaki tabata den presencia di Sr. Reynaldo Rante, Bellman na Holiday Inn Sunspree y Srta. Christine Leo, stagaire na ATA .