ORANJESTAD – Delegacion di JetBlue tabata siman pasa na Aruba pa un bishita den cuadro di nan di 10 aniversario.
JetBlue a cuminsa bula pa Aruba 4 aña pasa y awendia e ta di e dos compania di aviacion di mas grandi for di Merca pa nos isla cu 19 vuelonan semanal y 12% di e marketshare di stulnan pa Aruba for di Merca.
Minister Otmar Oduber tabatin e placer di host e delegacion durante un cena caminda tabatin tambe discusionnan hopi fructifero tocante servicionan adicional for di Boston, cual sigur ta hopi necesario durante e winter aki.
E reunion tabata hopi positivo y prometedor.
Durante bishita di Minister Otmar Oduber otro siman na New York, caminda lo lanza internacionalmente e imagen nobo di Aruba, lo tin tambe un reunion hopi importante cu Jet Blue tocante e detayenan relacional cu e vuelonan adicional.
Mester bisa cu Dave Barger, CEO di JetBlue tabatin palabranan di elogio pa e forma pro-activo cu Minister Otmar Oduber ta hibando su maneho, caminda cu e ta buscando yega na acuerdonan cu partnernan strategico pa bienestar di turismo di nos isla.
Di e forma aki Minister di Turismo, Transporte y Labor ta sigui demostra pueblo di Aruba cu el a bin pa traha, pa hiba nos isla pa dilanti y el lo sigui haci esaki cu tur e dedicacion y pasion pa cada un di nos riba e pida baranca aki por tin un mihor mañan y nos por ta dos stap dilanti cu nos competidornan.

Eagle Beach – Director Gerente Alex Nieuwmeyer ta raporta cu durante sesionnan di planificacion diseña pa mehora e calidad di servicio comunitario externo y interno na Divi su cinco propiedadnan di alta clase na Aruba, e decision pa crea un fundacion caritativo a nace.

E fondonan di e fundacion lo wordo genera via deduccionnan boluntario di e salarionan di empleado, cualnan lo wordo iguala pa Divi Resort Corporation, asina tambe creando un suma considerabel di placa cual lo wordo poni un banda pa sirbi e necesidadnan di e comunidad di Divi y e isla su comunidad.

Divi IMPACT, cual ta para pa Improving Motivating and Providing the Aruban Community Together, lo encurasha liderazgo, doñonan, huespetnan, partnernan di negoshi y empleadonan pa duna nan tempo, placa y recursonan pa yuda e comunidad, resultando den un standard mas halto di bida pa tur hende.

Durante un encuentro casual cu a tuma luga recientemente na e Divi Links Learning Center, Fundadornan, Miembronan di Directiva y Miembronan di Comision a wordo introduci.

Fundadornan di IMPACT, Carol Jansen, Gerente General Asistente di Divi & Dutch Village y Maria Esguerra, Director di Recursonan Humano Divi Resorts na Aruba, a presenta e miembronan di directiva cu Carol Jansen, como Presidente, Ana Arends, Gerente di Relacion di Huespet, como Vice Presidente, Sharenda Clarinda, Coordinador di Recursonan Humano como Secretaria y Maria Esguerra, como Tesorera Interino.

Tumando decisionnan tocante e designacion di fondonan di IMPACT ta miembronan di comision Francis Ridderstap, representando Divi Aruba Beach Resort, Lillian Maduro representando Phoenix Aruba Beach Resort, Erik van den Hengel, representando Divi Golf Aruba N.V., Camala Peterson, representando Tamarijn Aruba Beach Resort, Drucilla Fijnje representando e Departamento di Benta y Tabitha Fecunda, encarga cu Relacionnan Publico.

Jansen ta raporta cu, di e 1,000 empleadonan cu Divi tin riba e isla, 246 ya caba a registra como miembronan di IMPACT, contribuyendo mensualmente na e fundacion.

Entre e plannan y proyectonan di e fundacion ta inclui e creacion di un Fondo di Beca pa empleadonan y nan yiunan; mehorando e relacion entre scolnan riba e isla y e industria di hospitalidad; ofreciendo incentivonan na scolnan pa yuda mehora resultadonan academico; asistencia na nos ancianonan y esnan incapacita; creando un centro di ayudo in-house na Divi pa empleadonan; encabesando programanan rond di topiconan social den e diferente districtonan di e isla, y hopi mas.

Den un competencia in-house excitante pa e diseño di e logo, Yanel Olivero di e Departamento di Accounting a entrega e diseño ganador y el a wordo premia cu un Estadia di Fin di Siman pa cuater hende, sea na Divi Village of Divi Aruba Phoenix Beach Resort, incluyendo cena.

Den henter e compania, un total di 13 empleado a participa den e competencia, presentando 18 diseño creativo, expresando e idea cu hopi por wordo logra den cooperacion cu tur esnan envolvi.

E habilidad di por provee pa nos empleadonan y comunidad ta un honor y un privilegio y e Divi IMPACT ta akinan pa haci hustamente esaki…esta di haci un IMPACTO, Jansen a bisa den su presentacionnan.

E presentacion tambe a inclui e Vision di Impacto, cual ta lo siguiente:

DIVI IMPACT lo promove e seguridad di muchanan, fortalece famianan y haci actividadnan deportivo, educativo y artistico accesibel na e comunidad, cu e meta general di aumenta e calidad di bida na Aruba.

Y e Declaracion di Mision di Impact, cual ta: DIVI IMPACT lo mehora condicionnan di bida pa e habitantenan anciano, incapacita y di entrada abou, trahando den cooperacion cu agencianan comunitario caritativo sirbiendo sernan humano den crisis, y door di organisa actividadnan pa promove educacion. Divi Impact lo inverti tempo, placa y recursonan y yuda crea un relacion entre e comunidad y e industria di hospitalidad.

Riba dia 2 di September, 2010 Divi IMPACT a bira un realidad ora e documentonan legal a wordo firma den e oficina di Notario Tjong Ajong, cual por ser mira akinan.

Tambe riba e potretnan, e desvelo di e logo di IMPACT, e fundadornan, e hunta di directiva y e miembronan di comision como tambe e diseñadornan den e competencia di logo.

ORANJESTAD – Former vice president of the U.S.A. and Nobel Peace laureate Al Gore will be the keynote speaker at the opening of the conference “Our Future with Green Energy” in Aruba on September 29, 2010, the Dutch Caribbean island’s minister of finance, communication, utilities and energy and conference host, Mike de Meza announced Friday.
“We are happy, proud and most honored to be able to announce that Mr. Al Gore, former vice president of the United States of America and Nobel Peace laureate has accepted to be the keynote speaker at our first conference on green energy,” De Meza announced at a press conference. “Vice President Gore is one of the most important driving forces behind the green awareness movement. The wisdom of Mr. Gore’s words will be of great value to our delegates as well,” Minister De Meza added.
Albert Arnold “Al” Gore Jr. (Washington D.C., March 31, 1948) was the 45th Vice President of the United States of America. The Nobel Prize in Peace 2007 was awarded jointly to Intergovernmental Panel on Climate Change (IPCC) and Mr. Gore “for their efforts to build up and disseminate greater knowledge about man-made climate change, and to lay the foundations for the measures that are needed to counteract such change”.
Vice President Gore has been a much requested speaker at international debates and meetings on sustainability since the year 2000. He most passionately expresses his concern for the ecological evolution of our planet and the role of the individual herein. The documentary Mr. Gore and the IPCC produced on global warming won an Oscar at the 75th Academy Awards for Best Documentary on February 25, 2007. This documentary “An Inconvenient Truth” will be shown at various locations on Aruba prior to the Green Aruba 2010 conference.
The Government of Aruba has a very ambitious green agenda. Twenty percent of the energy needed to produce potable water and electricity is already being harvested provided by the island’s first windmill park. Making use of the available sustainable energy sources, namely sun, ocean and wind, the government aims to double this percentage in the coming two years.

From September 29 through October 1, the government of Aruba and the local utilities companies WEB Aruba N.V., N.V. ELMAR and Utilities Aruba N.V. will host the first international conference on green energy for Aruba with as theme “Our Future with Green Energy”. During the conference international experts will present the latest technologies and developments in state of the art alternative, sustainable energy technologies and their practical use in the Caribbean.
At a tradeshow geared towards increasing national and regional awareness on the everyday use of sustainable energy tools in the home and business, on October 1, 2 and 3, the general public is offered the opportunity to get better acquainted with a numerous green technologies.
Information on the conference and tradeshow are available on the website www.greenaruba.org.

ORANJESTAD – Den proximo dianan Parlamento di Aruba lo ta tratando algo sumamente importante y historico pa nos isla, e dos fondonan cu lo contribui grandemente na mehora nos Producto Aruba y na mercadeo di nos isla den exterior.
Pa promer biaha a yega na un acuerdo di cooperacion entre sector publico y priva pa uni esfuerzonan pa mercadea nos isla den exterior y pa mehora nos Producto.
Durante añanan largo hopi a purba pa yega na algun tipo di cooperacion, pero esaki no a logra y awe por bisa cu den apenas algun luna Minister Otmar Oduber a logra e acuerdonan di cooperacion aki cu tanto Aruba Hotel And Tourism Association) y ATSA (Aruba Timeshare Association). Cu otro palabra, mundo hotelero na Aruba ta riba e mesun liña di maneho di Minister Oduber.
E acuerdonan aki ta un refleho di maneho di Gabinete Mike Eman cual ta basa riba e dialogo, cooperacion y transparencia. E tipo di maneho aki a logra habri portanan di cooperacion y awendia por mira cu e relacion entre sector priva y publico a mihor cu nunca.
Pero no ta solamente esey, vision di Minister Otmar Oduber pa cu turismo ta conta cu e sosten di mundo hotelero, nan ta wak con e titular di Turismo ta trahando fuertemente pa hiba nos isla na e lugar cu e merece riba mercado turistico internacional.
Na maart 2010 a firma e MOU cu AHATA pa yega na e Aruba Tourism Marketing Fund (ATMF) y na augustus 2010 a firma cu ATSA e MOU pa yega na e Tourism Product Enhancement Fund (TPEF).
Pa loke ta e fondo di mercadeo, esaki lo significa un cambio grandi den e forma cu lo bay mercadea, pasobra den e MOU no solamente ta papia di un fondo independiza y cu mester desemboca den un ATA independiza pa 1 di januari 2011, pero tambe ta encera e confianza di crea un ‘board’ cu tin cu bay hunto entre AHATA y Gobierno.
Den e structura di esaki lo tin participacion completo, habri y structura entre instancianan priva y publico caminda hunto, usando ATA como e vehiculo, lo mercadea nos pais, teniendo e control y supervision den un fase transitorio, ya cu na momento cu ATA bira independiente esaki lo bay pa e oficina di turismo.
Den cuadro di instalacion di e dos fondonan a mira e necesidad pa adapta e tarifanan di room tax, Parlamento, durante un reunion publico den luna di april, a sostene e cambio aki cu un total di 11 voto na fabor y 6 voto contra. Esaki a encera cu entrante 1 di mei e room tax (impuesto pa camber) a pasa di 6% pa 7.5%, es decir un aumento di 1.5%.
Mester bisa tambe cu den mesun cambio aki a keda aproba cu lo conoce un otro aumento, cual inicialmente tabata entrante 1 di juli 2010, esaki di 2%. Es decir e room tax lo yega na un total di 9.5% y esaki lo drenta na vigor asina cu e wordo trata den Parlamento den e proximo dianan.
Minister di Turismo ta pone tur dia hopi prioridad riba Producto Aruba, mehoracion di dje, diferencia nos mes for di competidornan tanto pa e calidad como pa servicio brinda na Aruba, esaki ta forma parti di su vision pa mehora nos turismo.
A base di e vision aki durante e promer reunion cu e tabatin cu ATSA na december pasa, el a bay presenta e idea, pero promer cu el a logra esaki ya caba esnan di ATSA a bise kico nan idea tabata, cual tabata cuadra totalmente cu loke Gobierno kier a crea. Esey ta cu a yega na aumento di roomtax, pero poniendo atencion na percura pa Producto Aruba y su servicio tambe aumenta.
Asina a conclui cu e 2% cu ta bin for di e propiedadnan cu ta time share na Aruba lo wordo separa den un fondo caminda cu un suma equivalente na tur e simannan cu ta wordo opera bou di timesharing, igual na e 2% lo wordo deposita den un ‘begrotings fonds” special cu lo bay specialmente pa mehora calidad di producto y servicio na Aruba.
Ta trata aki di un suma di alrededor di 4 miyon florin cu lo bay tin den un fondo cu no tabata existi antes. Gobierno hunto cu ATSA lo bay supervisa e distribucion di e placa aki a base di cierto acuerdonan cu tin caminda lo mustra den ki direccion e fondonan aki mester bay.
Asina por mira cu den apenas 9 luna di tempo Minister Otmar Oduber a logra yega na dos fondonan sumamente importante pa Pais Aruba mirando cu industria turistico ta nos pilar economico. Un logro hopi importante cu a wordo logra na un maneho habri di dialogo y cooperacion cu e partnernan den turismo y cu awendia ta comparti e mesun liña di maneho cu e mandatario.

ORANJESTAD – Den cuadro di e preparacionnan pa e evento nacional di awe tardi, Aruba Tourism Authority a parti T-shirt nan bunita cu e imagen nobo di Aruba na trahadonan di e tiendanan situa den Caya Betico Croes. Ta intencion pa durante e evento, tur esunnan cu ta traha den e tiendanan lo ta bisti cu nan bunita T-shirt pa demostra nan compromiso pa cu nos isla. E imagen nobo di Aruba lo aparece riba tur material di promocion den tur e mercadonan unda ta promove Aruba como destinacion turistico. Riba e fotonan adhunto por aprecia momento cu tabata parti e T-shirtnan na tiendanan den caya Betico Croes. Ta invita tur hende pa yega trempan awe, pasobra e evento ta cuminsa desde 6:30PM y lo continua te cu 8:30PM den Caya Betico Croes riba Plaza La Linda.

ORANJESTAD – “Durante varios luna a traha fuertemente y awe e dia a yega caminda cu nos lo presenta na cada un di boso no solamente e imagen nobo di Aruba, pero tambe su nificacion y loke e ta encera pa cada un di nos cu ta biba riba e pida baranca aki”, asina Minister di Turismo, Otmar Oduber a inicia su discurso na ocasion di presentacion di e imagen nobo na oficina di Aruba Tourism Authority.

Ta trata aki di comienso di un proceso hopi special no solamente pa turismo di Aruba, pero pa Aruba en general. Intencion ta di no solamente promove pais Aruba den exterior pa por atrae turismo, pero tambe pa mustra e importancia cu turismo tin pa henter nos pais, mirando cu economia di nos isla ta depende casi 70% di dje. Creacion di un imagen nobo pa Aruba ta forma parti di e mehoracion di nos producto Aruba y ta bay man den man cu e proceso andando di renobacion y rehubenecimiento di centro di ciudad y nos barionan cu e proyecto “Bo Aruba”.

“Awe nos ta cuminsa e lansamento di e imagen nobo cu Aruba ta bay presenta na mundo den luna di september… Un imagen cu pa prome biaha ta wordo uniforma. E ta un proceso caminda cu nos kier involucra pueblo di Aruba den decisionnan asina importante”, asina e Minister a sigui splica. Na e momentonan aki tin un presupuesto di casi 40 miyon florin pa mercadeo di turismo, pero na final di cuenta ta e experiencia di nos bishitantenan, nan prome impresion na Aruba, nan ultimo impresion na Aruba lo determina pa nos continua y mehora ainda e exito cu nos tin den nos turismo na e momentonan aki. P’esey e envolvimento di cada un di nos cu ta biba riba nos isla ta hopi importante.

E proceso di “branding” di Aruba a cuminsa ya caba for di aña pasa y mirando e vision di Gabinete Mike Eman di mehora tanto e producto como e servicio di Aruba, a duna sosten na e iniciativa cu tabatin di Departamento di Turismo, ATA. Gobierno ta di opinion cu mester uniforma y tin un solo imagen cu ta mustra e mundo pafo y local loke nos producto ta representa. Branding di un destinacion ta con e consumidornan, den e caso aki e turistanan, ta percibi e destinacion den nan mente. Branding di un destinacion no ta solamente e creacion di un logo of un slogan. Ta trata di captura e diferente elementonan di e destinacion den e marca y comunica e elementonan aki a traves di su componentenan: identidad…esencia…personalidad…imagen…caracter y cultura.

“Cu otro palabra, branding di Aruba ta trata di combina tur e atributonan asocia cu nos isla bou di un concepto cu ta expresa nos identidad y personalidad unico y cu ta diferencia nos di nos competidonan. Branding ta un promesa na e consumidor, un expectativa di cumplimento y un marca di integridad y reputacion”, di acuerdo cu Minister Otmar Oduber.

E colornan cu ta wordo uza tin un nificacion specifico y cada un di nos lo por identifica nos mes cu nan. E sentido di orguyo ta hunga un rol hopi importante den henter e desaroyo aki, e orguyo di sinti nos mes Arubiano!

Den e logo nobo di Aruba por identifica un di e elementonan di nos bandera, e strea. E ta representa e hendenan cu a bin di tur skina di mundo y haci di nos isla nan pais, bibando cu otro den harmonia. Esaki sigur ta un di e fortaleza nan di mas grandi di nos pais. E diversidad di culturanan, e integracion entre nan y con nos tur ta biba riba nos isla den harmonia ta haci di Aruba un pais unico na mundo.

E spirito di e branding nobo no ta solamente busca mas turista di calidad pa bin Aruba, e ta encera pa cada un di nos por ta orguyoso di Aruba y su lema di ‘One Happy Island’. Pa nos sinti den nos mes pa contribui activamente, individual y colectivamente pa desaroya un comunidad prospero for di cual cada un di nos lo beneficia.

“P’esey ta importante pa nos tur sinti cu “One Happy Island” ta trata no solamente di un bon producto, sino tambe di hende, ta trata di nos tur y como comunidad nos por logr’e. Den e proceso aki cada un di nos mester sa cu nos por haci e diferencia, cu cada individuo ta mes importante, pa nos tur ta orguyoso di nos contribucion propio, pa nos sinti nos mes orguyoso di Aruba y pa cada un di nos ta un bon ehempel. Ban nos tur sali y demostra mundo henter cu Aruba di berdad ta one happy island”, asina Minister Otmar Oduber a termina bisando.

Palm Beach – Un grupo di miembro di prensa di Reino Uni recientemente a bishita nos isla, riba invitacion di e Aruba Tourism Authority, pa wak y experiencia tur loke e isla tin pa ofrece. Durante nan estadia, e grupo di periodistanan tabatin solamente comentarionan positivo despues di a disfruta di un desayuno na Sunset Grille Restaurant. E grupo, incluyendo representantenan di The Sun y Okay Magazine, tabata compaña pa Radisson su Gerente Senior di Benta, Lily Polsbroek.

Sunset Grille Restaurant, Radisson Aruba Resort Casino & Spa, awo ta sirbi un buffet extensivo di desayuno tur dia, di 7:00 a.m. pa 12:00 di merdia.

Y riba Diadomingo, e restaurant su Buffet di Desayuno ta wordo sirbi di 7:00 a.m. pa 10:30 a.m., na cual momento e seleccion ta wordo expandi y enrikeci pa sirbi un Brunch di Champaña di Diadomingo inolvidabel, di 11:30 a.m. pa 2:30 p.m.

Sunset Grille a caba di revela su menu delicioso di brunch, den cual e brigada culinario a crea un concepto interesante combinando specialidadnan sirbi estilo di buffet, y cushinamento a la minute for di e cushina di exhibicion.

Bishitantenan lo wak un surtido di pan y cos dushi di desayuno prepara fresco e dia ey, cerealnan cayente y frieu, fruta tropical fresco y yogurtnan di fruta, un seleccion di cabaron riba ijs, smoked salmou cu cream cheese, keshinan y charcuterie importa, saladanan componi, Clam Chowder, delicioso scrambled eggs, eggs benedict cu saus di Hollandaise, carninan di desayuno, link soseishi, bacon, batatanan di desayuno Caribense, pannenkoek, y French toast sirbi cu manteca cremoso y maple syrup, presenta na un manera sumamente bunita riba e buffet atractivo.

Despues di a purba tur e prome platonan, bishitantenan ta invita pa bishita e cushina di exhibicion di Sunset Grille y pidi e chef di desayuno pa omeletnan traha segun nan preferencia, incluyendo bo rellenonan faborito, of escohe cualkier, of tur di e platonan principal delicioso, manera Beef Tenderloin & Cabaron cu Konoflok cu batata dushi y asparagus prepara den forno, Pork Wellington den puff pastry cu duxelle di wild mushrooms, y saus di whole grain mosterd, Macadamia Crusted Grouper cu relish di fruta tropical, Galiña Drumette cu BBQ teriyaki & stir fried berdura, Pasta cu un variedad di saus, incluyendo Bolognese, Marinara y saus cremoso di Escargots, como tambe Pizza fresco traha cu mozzarella, pepperoni of vegetariano. E skina dushi ta ofrece un surtido di bolo y tert, mousse di chuculati, apple pie, cheese pie y cos dushi local.

E Brunch di Champaña riba Diadomingo ta sirbi un sin fin di kelki di Champaña y Mimosanan y ta ofrece e escohencia pa sinta pafo riba e terras cu bista riba e hardin tropical, of paden, den e sala di comemento elegante y airecondiciona.

ORANJESTAD – Recientemente, na comienso di luna di Augustus, tres representante di Aruba Hospitality & Security Foundation (AHSF) a entrega e resultado di un investigacion haci na fabor di Cuerpo Policial Aruba.
Durante seis luna dos studiante di e estudio “Seguridad Integral” a haci nan pasantia (stage) na Aruba. Esakinan ta sr. Mahadewsing y sr. van Leeuwen. Nan a enfoca riba e zona unda e restaurantnan y nightclubnan den cercania di e Hotelnan Highrise y Oranjestad y a analisa kico ta pasando, dicon e zona di recreacion a muda bay e area di highrise hotel, unda hende ta sali pa recrea parti anochi, unda tin problema, ki tipo di problema tin y cua ta e mihor manera pa contra aresta cualkier eventual efecto negativo.
Den e rapport e dos zonanan ta wordo analisa separa y despues compara. Pa haci e analisis a entrevista diferente comerciante y hefe di seguridad den e zona menciona. Tambe a analisa informacion den e database di Polis di e incidentenen den e area. Na final di e rapport nan ta haci algun sugerencia con pa trata cu algun fenomeno den e area, p.e. e adictonan ambulante, e bendedornan di droga y con pa haci uzo mas efectivo di e Visibility Team.
E delegacion di AHSF tawata consisti di Sres. Dario Soemers, Ryan Mahadewsing y Maarten van Leeuwen.
Mientras tanto Cuerpo Policial a tuma nota di e sugerencianan den e rapport di AHSF y lo sigui analisa esakinan den e proceso di tuma medida pa contra aresta e efectonan negativo den e zonanan menciona.

ORANJESTAD, Aruba – 9 di augustus 2010: Como un incentivo special pa tiendanan situa den Caya Betico Croes y vecindario, Aruba Tourism Authority a anuncia cu lo tin premio special pa e tienda miho decora y mas creativo. Manera ta conoci, ATA ta organisa un evento nacional den Caya Betico Croes riba dia 20 di augustus 2010 for di 6:30PM pa 8:30PM den cual lo devela e imagen nobo di Aruba. Ta encurasha e doñonan di tiendanan den caya grandi pa decora nan vitrinanan specialmente pa e evento aki. ATA conhuntamento cu MAMBO a anuncia durante e conferencia di prensa, cu nan lo premia e tienda y tur su empleadonan den un sorteo special. Di e forma aki ta spera cu den e siman di 16 pa 20 di augustus e tiendanan situa den Caya Betico Croes lo sali mustra nan miho cara, cu colornan di e imagen nobo di Aruba, anticipando nos imagen nobo.

ORANJESTAD -Minister di Turismo, Otmar Oduber durante e anuncio di e lanzamento di e imagen nobo di Aruba cu a tuma lugar diahuebs pasa, a expresa cu e imagen nobo aki lo diferencia Aruba di nos competidornan. E colornan cu ta wordo usa tin un significacion y dentro di poco esakinan lo wordo tresi dilanti y asina cada un di nos por identifica nos mes cu nan. E sentido di orguyo ta hunga un rol hopi importante den henter e desaroyo aki, “e orguyo di sinti nos mes Arubiano”.
Minister Oduber ta indica tambe cu si tin un imagen cu ta uniforma, cu ta standard, cu por wordo reconoci tur caminda di mundo, esaki ta haci cu e balor di e placa cu ta wordo inverti den mercadeo ta bira hopi mas, e yield riba dje, segun calculacionnan lo por yega casi na dobbel di loke e ta na e momentonan aki.
Tambe Minister Otmar Oduber a indica cu decision di Gobierno ta pa crece den calidad y no den cantidad, cu na e momentonan aki tin entre 3 pa 4 proyecto cu ta den pipeline, cual ta cosnan cu e gobernacion nobo a haya nan mes cu nan. Decision ta cu ta anuncia un moratorio pa loke ta hotelnan pabou di brug, esey kiermen cu mester expande den calidad, den servicio di producto cu ta ofrece.
“P’esey mester a defini bo mes pa ta diferente. E imagen nobo di Aruba ta haci cu nos isla ta distingui su mes di otro mercadonan, pa asina por keda uno di un clase y nivel mas halto cu e competidornan”, e mandatario a duna di conoce.
“Cu e imagen nobo y uniforma aki nos lo ta mas productivo, mas eficiente den loke ta haci, percura pa den djele e bira un sentido di bo orguyo, pa cada un cu ta biba riba e pida baranca aki sinti nan mes identifica den e logo aki y e calidad di producto”, el a agrega.
E imagen nobo di Aruba lo wordo lanza localmente promer. Esaki lo tuma lugar den Caya Grandi hunto cu tur esnan cu ta produci mercancianan local, pasobra hunto cu e imagen nobo aki cu lo wordo presenta, Aruba no mester lubida cu nos ta keda un isla den Caribe, nos mester keda cu e caracteristicanan cu un turista ta busca ora tuma un decision di unda e kier bay.
Minister Otmar Oduber: “Antes por ta Aruba ta bunita, hopi santo blanco y hende amabel, nan ta scohe pa bin conoce Aruba. Awor aki tin 20 competidor eyfor cu tin e mesun beach blanco, y por ta no mes amabel, pero ta luchando si pa yega na e punto ey. Bo mester diferencia bo mes e ora ey, percura pa bo tin cultura pa ofrece, percura pa bo tin historia pa ofrece y esey ta loke nos kier trece aden, dunando hopi atencion na esnan cu ta haci artesanianan local. Esaki ta bay man den man cu e intencionnan di converti e otro banda di nos isla, San Nicolas, den e parti cultural historico”.
Mas aleu Minister Oduber a duna di conoce cu hopi biaha por tin un idea y por impone como gobernante, pero tambe por bisa cu ta duna di conoce e idea aki y ta busca un sosten amplio pe. “Esey ta loke nos a bin ta haci desde cuminsamento cu tur e instancianan”. E imagen nobo di Aruba mester envolve tur hende, “nos por a djis warda september ora un Arubiano biaha pa e por wak con Aruba ta wordo presenta awor. Nos acercamento tabata diferente, nos a bisa, laga nos tur como Arubiano ta orguyoso di loke nos ta presenta pa loke ta nos pilar economico, nos turismo. Ora un turista yega Aruba y puntra dicon nos ta presenta nos mes asina, nos por splike”.